ابو ذيات
حبيبي آكل فلافل ونته باجه
شوكت تكعد كبالي ونتباجه
ولك بسمار قلبي ونته بجّه
وبساميرك عوج ردهن بديه
حبك بالضلع بسمار مندك
واحس قلبي يسولف بيك من دك
كمت اركض على الموبايل من دك
لأن أدري العزيز يدك عليه
احبك ياوسيع العين وسمر
اتمنه كعده وياك بلطف وسمر
لكض جاكوج ودك وسمر
ودك جسمي على جسمك سويه
خلو علي حراس .. وعيون
ومن دمعي جرى نهرين .. وعيون
شلون خدود عندك يا ولف .. وعيون
كبار ويامحلا نظرتهن عليه
احبك وغير حبك .. لايلفني
وعسى منامي بعد فركاك .. لايلفني
دخيلك لف شعرك .. لايلفني
حرير ويلعب بين اديه
بدمع عيني اكتبلك خاطر انه
وإلك مايوم كاسر خاطر انه
غير أنت تجيني ألخاطر انه
أجيك زحوف متعني أعله أديه
اگوم اجلاللاً الحسنك وقف لك
وسجل قلبي ياخلي وقف الك
وحطك بي واقفلنه وقف لك
وطب بصدري وقفلكم عليه
وحك من صاغ هندامك وحياك
طلع شريان من قلبي وحياك
أحبك واحترم شخصك وحياك
واحب كلمن وفي ينشد عليه
احلى من البدر يا اسمر وصفناك
ولكل مريض انته الدوه وصفناك
يا حافظ الله يسترنه وصفناك
كلي اشتعل من تصفن عليه
يظل حبك ترى بقلبي علي دين
وعهد للموت ما انساك علي دين
ولولا البعد لمشي لك على ايدين
تفداك الروح ياغالي علية.
شفت شمس وكمر يضوي خلالك
ربك من وجه يوسف خلا لك
تنحه الحسن عن عرشه خلا لك
لأن شافك صبح بوكت المسية.
قلبي الحبك بسرعه ورادك
وما عاندك فد مره ورادك
تطير انته وعلي تبعد وردك
اصوفرلك ترد ترجع اليه
ما أدري شكضه من الليل وشتم
ومن خدك أحوش الورد وشتم
وأعذرك حيل سبني بزعل وشتم
تره شما تشتم ثواب لوالدية
الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
الدمع مرات مو بس حزن..يعني
ثكيل وبس عليك الجدم..يعني
على احوالة سألته وكال..يعني
ومعنى اليعني مالك غرض بية
نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحيه
عجب مامر عزيز الروح بس لاح
رماني وردت ارد السهم بس لاح
لجيبك لو تصير اليوم بسلاح
وتداوي جروح علاتي الخفيّه
خطف طيف الحبيب وما فياني
وعزم انهض وشبكه مافياني
شكالولك يخايب مافيا اني
سريع تفوت متسلم عليه
نخيت اني عالبختك منتخطي
عليش بورقه خطك منته خطي
اذا بعيوني اشوفك منتخطي
قسم بالله عيني تحك اديه
وحك المرضك يسمر وشافاك
انصرع كلمن لمح طولك وشافك
انا من اشم عطر زلفك وشوفك
مناعة من الامراض تصير بيه
لما وكتي وقاني الزلل وقليم
وصرت للنايبات الورق وقليم
اذا عندك مصايب دول وقليم
وتكّول العاصمه؟ بس اني هيه
انوثة جيل حاملهه خــــصرهه
وجموع الحسن بس يمهه خصرهـه
العسل ما فاز من عدّه خصرهه
لان ما داس شفتيهه خطيـــــة
العليه غير اهلها من علاها
وروحي خسه الكلك من علاها
بعزم الله نخلتي من علاها
يراموها بحجر واظل سخيه
تصرنة تريد بيدك - يابه صرنة
يا نفس النشمة - يا بصرنة
شتريد نصير يمك - يابه صرنة
تدنة وخلي نحسمهه القضية
عشرتك سودة لكن - ما طلتني
ولو بجفوف غيرك - ماطلتني
اجفوفك جي كصيرة - ماطلتني
كصير انته وكلت حامض عليه
اعيوني لشوفتك ركضن - وجداً
واريدك مو لعب فعلاً - وجدا
وانه اهواك عن ابا - وجدا
واحبك من عصور الجاهليه
السائل سأل شنهو الصار وجره
و ليش أمست مهجنه ابنار وجره
گلت كاظم الغيظ انفقد وجره
مدامعنه و فجعنه ابها الزريه
يطارش هاك مكتوبي وسر بيه
حنين القلب بسطوره وسر بيه
اخبره شوكت نتلاكه وسر بيه
وعلى كل بيت اطشن واهليه
عليه الوكت ياخايب يدوراك
تهت وقليبي ظل ينشد يدوراك
حميتك ايد كدامك ويد وراك
واخاف اعليك حتى انه من اديه
قلبـي ألحزن لفـة من سوا لف
وأذا ماوالفتـكم من سأوالف
عندي ألكم سوالف من سوالف
حلوة ومثل طلعتـكم عليـه
الروح إخلافك امتيها عملها
غريبة ولاتظن يشفع عم الها
عيوني الما تحب شوفك عما الها
والف عين لجل عينك هدية
افكر بيك صدكني ولانام
و لا اغمظ جفن عيني ولا انام
احب بس اقعد كبالك ولا نام
بعيد و شوفتك حسره عليه
زرع ريان مــــــــــــــــن قلبي ترابه
ومثل طعـــــم العسل يا عالم ترابه
دللته يا خلك الله وعلى ذراعي تربه
و اجى غيري وخذاه من بين اديه
هام العقل من شوكك وجن بيك
شبيه القمر من يضوي وجن بيك
و بوسك لو يحبسوني وجن بيك
اوامر من وزير داخلية
الدهر بجفاك طشرني ولمني
وعليك القلب عاتبني ولمني
فراكك حيل اذاني ولمني
ويضل حبك اثر مطبوع بيه
زمان الغير گليبك وداره
ياما گلبي أسعالك وداره
جنت للدلال أم أنته وداره
وصرت كل ظيم المضه والمر عليه
بين أبحور أعبرلك ودورك
ماينفع لامالك لاقصرك ودورك
أخذ دوري بالدنيا ودورك
وشوف ياهو الاصعب رده اليه
بشغف حبي أدوخنك وديرك
بوسط گلبي أسكننك وديرك
دوه لعظاي أشربنك وديرك
يالكلك حلو و ما منك أذيه
مدري العيب عندك مدري عندي
مدري غلط عدك مدري عدي
مدري اوكف وطالب مدري اعدي
واكولن ينصلح ويرد اليه
هاك القلب وبيدك حيل أطحنه
أمس فوك النجم واليوم طحنه
شبدينه وبلعشك ياناس طحنه
غشيمه لوبنه تحب الأذيه
ذبل عود القلب لأجلك وخاوي
بعد ما احط أخو غيرك واخاوي
الفخر مو للذي عاشر وخاوى
الفخر بالضيج لليذكر اخية
يـا دكتور جــس نبضي شمالــي
أو بعد يمناي ما توصل شمالـي
أني الي جنـت غربــي شمالــي
صرت شرجي و على الاوادم أذيه
بصراي حلات النومي يلطيبين بصراي
ومثل طيب العماره الكيت بصراي
دهاكم واخذو مني العين بصراي
واشوف ابشوف شوفتكم عليه
مو حب بالگلب هذا ورم شاك
واذوب بشوفة عيونك ورمشاك
اضل للموت بس امشي ورة مشاك
لان روحي لتحبك مو بدية
بهجرك صفه بيتي دارميات
وعندي من القصر و الدارميات
حبيبي شكد ادزلك دارميات
ماشفت منك غير ابوذيه
حبيبي احتار من ترسل شرد لك
لان قلبي غدر بيه وشرد لك
قررنا نكول نحبك شوردك
واذا خجلان دزها بمسج ليه
وصفنا و ما بلغ بيكم وصفنا
لان يرادلك كعده وصفنه
كون بمدرستنا وكاعد بصفنا
و لو تاخذ صفر ننطيك ميه
أنه الرايح بطعناتك شعدلاك
وحده اثنين شحسبلك شعدلاك
عوج من قدمك لراسك شعدلاك
عدلتك وانكسرت ابين اديه
شيضرك ان تسامح وان تهديت
وقلت لك لاتهدني وانت هديت
انه الهديت قبلك وانت هديت
وراي وهدتك صارت عليه
يجن بيه المصايب مايجن بيك
وعسه الجنبك عني مايجنبيك
شلون تريد طالب مايجن بيك
اذا الاستاذ ياخذلك تحيه
قطار الهجر طوّح بالصفاره
خذاك وظل وجهنه بالصفاره
كضيناهه الدراسه بالصفاره
كلما تغمز ألنه أطيح ميه
إعيوني إعليك دم مو دمع هملان
جي لنك لحالي اصبحت هملان
لون قلبك حبيبي صخر هملان
الصخر لان او جسه قلبك عليه
عصت عيني يدمعي ما تهلك
وتلف من شاف طولك مات هلك
تگلي اشبيك ناحل ماتو اهلك
صدر طاؤوس من تكبل عليه
ريحه اتفوح من جسمك وردماي
واحملك كسرة اضلوعي وردماي
ابشرك قلبي كام ايظخ وردماي
اسمك بالوريد اشعمل بيه
كياني من القهر مختض وماجوج
ودليلي مسجر بنارك وماجوج
طحت مابين يا جوجك وماجوج
وشلع ما تنفع وياهم خطيه
عليك المات والحي سائل آنه
صلب لاكن لربعي سائل آنه
وگفت اباب بيتك سائل آنه
اذا ما تنطي ليش تكص اديه
مزيقة حزن خلخالك منيداي
ومنسولك لوه جيدك منيداي
الك نيه تحل حبلك من ايداي
يسير الله ويسيرك روف بيه
اريــد اعزف واغنيلك .. عتابه
وعليك الگلب ما بطل .. عتابه
احن لدارك ما انسه .. اعتابه
وتظل ذكـراك دوم تعم عليـــه
اظن ونّي تِرَس سمعـــك .. وكفّاك
من اگلك مدلي ذرعانك .. وكفّاك
گتلك ليّـه فـك كفك .. وكف فاك
تفك فاك وتكف كفك عليّــه ؟؟!!
الك هل دمع عيني والك صب
والك ساس بوسط روحي والك صب
سهم حبك دخل قلبي والك صاب
دليلي وصار طشاره بديه
انمرد چبدي وطريح اصبحت بالدار
ولا واحـد ذكــرني ونشـد بالدار
الاحـبه وما ابدله ابذهـب بالـدر
اذا راح ايـشـظـل بـعـده بأديه
اهموم الدنيه تراهه اهواي..مالمتني
امطشر وتكترت خلاني..مالمتني
لون بالحال تدري الناس..مالمتني
الوكت واحبابي علي طبكو سويه
سر مخفي بحسنهه حاجباها
وخط الطول يمكن حاجباها
خاف عليهه ابوهه حجباهه
شمس وتحجبت شيصير بيه
شضم بأسرار البگلبي ولي فاه
واذوبن لو ذكر عاشك ولي فاه
اله عندي گلب ينبض ولي فاه
گلب ينبض اله وينبض إليه
الرقي صار لجنابك بارتقاء لي
وعلى الحاضر حويته برتقالي
إذا انته مزاجك برتقالي
تكتر لا تذب ضيمك عليه
احبك واعتذر منك وناسف
جمال البروحك مغربل وناسف
احط بروحي تي ان تي وناسف
وافجر روحي لو تزعل عليه
رضيت بقسمة الباري محاصيل
ولاعندي ارض وازرع محاصيل
ردت كليه تقبلني محاصل
مسائي والقسط غالي عليه
تلوج الروح ياأحبــابي وراكم
وعجاج الظعن سد عيني وراكَم
يدمرني الحلم بيكم وراكــم
و يريت الحلم واليقــضه سويه.
عليك اشكد رجف قلبي وداري
ولجل عينك بعت ملكي وداري
اظن تعلم بضيمي وداري
شكد احبك ونت تضحك علية
احبكم اكثر من الكون وانـسة
وعندي الموت اذا يرضيك ونسة
ما فارگ ابد ذكراك ونــسة
واقدم روحي لعيونك هدية
يغص الريج من تجبل وكحلك
والعمر كلة يروح فدوة لكحلك
اشك الكاع لو كالو وكح لك
واجيبة هنا ليذكرك بذية
الك دوم انه اتعنى وصل بيك
وعنادك وين يبن ادم وصل بيك
حبيبي وشايل بجيبي وصل بيك
وباجر بيك انا مطلع هوية
انا بحبك ابد مافد يوم غشيت
وعن كل الشباب النظر غشيت
كعدت يمه وعلية بسكوت غشيت
وكف صاح المدرس غشت علية
عراق انت والك بالروح منصب
وعلى فركاك دمعي منصب
عسى موتي قريب وقبري من صب
ولا اسمع خبر عنك اذيه
انة الشديت جرحك ليش حليت
وعلي حلة الطلاب حليت
ذكرتك بمتحان وغلط حليت
شجاوب وانتة شاغل حتى ادية
غزال ايكول ماخذ شمرة منك
وعسل صافي اشحلاتك شمرة منك
تجي ساعات حنظل شمر منك
اجرعنك وكول اتحن علية
عليكم من سلام الله ورحمة
حن على هل القلب مرة ورحمة
اذا رايد اجر انت ورحمة
تعال انطيني بوسة وحن علية
يهل ناديت بسمي هواي عيدة
ويهل ماخذ دليلي وياك عيدة
القلب مو بس بعد رمضان عيدة
انا عندي العيد من نكعد سوية
يقلبي بيش اخيطنك ولحماك
ولا واحد شگف عنك ولاحماك
يجيك الضيم من دمك ولحمك
من اقاطعهم تلوم الناس بيه
عشرتك صدك روحي ما تملهة
وقلبي ايام سعدك مات املهة
اريد انصب لروحي ماتم الهة
واشوفك هم تجي وتبجي علية
ياربي لو ننخاك العبد عينه
سوده وماتحب الكحل عينه
رفع طرف العبايه وشفت عينه
وشفت ميزان ونجوم وثريه
متعود على احبابي وراهم
ما بيه حيل أمشي وراهم
لون أدري العشگ هيچي وراهم
أبد ما حب ولا أمر بالأذية
الوكت عمدا بيه طالب آنه
فرد طلبه من الله طالب آنه
آنه أتمنه أصير عدهه طالب آنه
تدرسني وعطرها يعط عليه
دهر ياناس بضلوعي وانا ابني
واخوي الماحمل ضيمي ولا ابني
وعلاقة بعد ماكون ولا ابني
لأن ياهو الأحبة يخون بيه
يكر بيه العشك شكدر شكر بي
وكتاب من الصبر عندي شكر بي
شورطني وبست خدك شكر بي
بستة ومرض سكر صار بية
يهل الناديت بسمي هواى عيده
ويه هل ماخذ دليل وياك عيده
القلب مو بسعد رمضان عيده
اني عندي العيد من نكعد سويه
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
حلو وياك قلبي صفه نيته
يريد يكون يمك صفه نيته
شارعنه بجمالك صفينيته
وطاح من الركن للركن بيه
وحق الله وملائكته وكتبه
عجبني شايل الجنطه وكتبه
لعب بيه الدهر و الطر و كتبه
بالچذب ما انكسر قلبه و حن عليه
هله يلي عليك الروح هفت
مد ايدك على نار القلب هفت
شكثر ناس علي بحجار هفت
لجن بشوفتك جتني المنيه
لفاني الهم غطالي القلب ويروح
يعمري الخلص بس لجمات ويروح
ماظن ليل الاسود خلص ويروح
طويل اظلم مطر تاهت عليه
الشوك وياك صدفة قابلاني
شيجي منك عليه قابلاني
تقشمرني بضحكتك قابل اني
غشيم وتعبر الضحكة عليه
ياناس هالمحبوب شــــــلون عنده شعر
ضليت طول الليل اكتبله قصايد وشعر
اني حبة لوعنــي وهــو بـحبي ما شعر
لــو رايــد الروح اقدمــليه
هــــــــديــة
يبن ادم جم مرض زارك وعليت
ولا يوم غسلت قلبك وعليت
يا طير شما طرت انته وعليت
تطيح وحفرتك مترين هية
قلبي شتعتقد حبة هوايه
اذا انتة النفس يعني هواية
احبك حيل تدريني هواية
بكثر حب الجرف لاطراف ميه
اكلت المستوي بجفاك وني
اون وعبر ذاك الصوب وني
اصرح من هنا مشتاق وني
احبك لمن ما تدنه المنيه
هله يمضرب اشكر بسمراني
وشل جسمي جماله بس مراني
حجه ودري بكلامه بس مراني
يحاجي بروحه بس يقصد عليه
احلفت ما اكعد بفيك ونخلك
شلون تكول انت اخوية وانه اخ لك
لجيبن منخل الخوة ونخلك
واطلع كل اخو يكول شعلية
وحق رمضان وايامه وعيده
اكص لساني لو يخلف وعيده
اجدد دوم اظل حبك واعيده
اني بخير اذا انته اليه
صديق الفاضلك بالطيب فضله
ومثل مافضلك على الناس فضله
اشكرة مو جزات انكار فضله
يجيلك وكت هم تحتاج اليه
روحي على اليجفوني بليل ونت
ووزع كمت علجيران ونات
كرهت الحاسبه والجات والنت
عيّن ايميلكم مامر عليه
وحق حضن الحضني وجان مهدي
حبي لغير شخصك ابد مهدي
لو شرطة وحراسة وجيش مهدي
جذب والله يبعدونك عليه
الصاحب من عكس وكتي جريده
وصرت سعفه بنخل بالي جريده
مو انه الجنت بيدك جريده
تحطني ابين اديك وتقره بيه
اساس انه يدنيه وبيه ربعي
جفوني وما لفو بالشده ربعي
انه الكامل جنت شو صفه ربعي
وثلثترباع راحن بس اذيه
مو مثل البتوت الروح بتها
دشوف شكد بديها يلوك بتها
احب الشايله عالمتن بتها
تروح الروح من اتمر عليه
جنت شمعة بطريق الراح والجاي
مثل عود البخور الوكت وجاي
الك افدي عمري الراح والجاي
عزيز وفركتك صعبة عليه
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه
حبيبي الدهر بجفاكم بلانه
قدر مكتوب من الله بلانه
شلون تعيش يالغالي بلانه
واتحن لحبي ولضمة ايديه
شعرمااكتب لغيرك وناظم
وتفضح دوم بسراي واناظم
الساهر ماوصف حسنك وناظم
اوصفك ابيش وانتة الروح الية
الك عمرين نص روحي .. ولك بر
والك نهرين نص قلبي .. ولك بر
الك يرخص ثلث عمري .. ولكبر
خصم هذا الحجي كلك اليه
يانور العين مرسالك وصلنا
ودمع العين بلل كل وصلنا
امانه عليك لا تكطع وصلنا
وخلي دوم عشرتنا سويه
ابد مايرحم الطايح وكتنه..
جمعنه ورجع طشرنه وكتنه..
اصيح على الفرح اوكف وكتنه..
تركني وماسمعني ورد عليه
بعدني أوياك بالعشرة ولا زال
وحبك بالقلب ثابت ولا زال
وحكك صادك بحجيي ولا زال
اظل وياك لآخر نفس بيه ..
احبك من جنت جاهل واخطي
وسجلك حافل برسمي وخطي
نضيدة بدلت لاجلك وخطي
واخبر يقولي عذرا مو بيديه
صرت دم المشة بداخل وريدك
مثل متريد مشيني وريدك
فراكك حيل مرمرني وريدك
على جروحي تدوس بلا خطية
نشدت الناس عنك وانته هينه
وعله فراكك تلفنه وانتهينه
قلبي انته التعذبه وانته هينه
ويظل اسمك حلو وغالي عليه
خطف طيف الحبيب وما فياني
وعزم انهض وشبكه مافياني
شكالولك يخايب مافيا اني
سريع تفوت متسلم عليه
لغيرك ماجرى دمعي شهاله
وتهدم كل ركن صبري شهاله
أهواي أعيون بالوادم شهاله
وشهال اعيونك انته العم علية
صحيح بعيد بس قلبي شعر بيك
حزين وباقي بس يكتب شعر بيك
عجب لي هسه باقي اسود شعر بيك
وانه بفركاك ماضل شعر بيه
العواذل بيه حبله دوم طالق
سهم بعيونهم كل وكت طالق
بعد ما اخاف كلت للخوف طالق
الشجاع يموت والروحه رخيه
غزال يكول ماخذشمرة منة
وعسل صافياشحلاتك شمرة منة
تجي ساعات حنظل شمر منة
اجرعنك واكول اتحن عليه
سوالف راحن بالي وجن حين
حين اتسودن بحبك وجن حين
قلب طير ارتجي من اللةوجنحين
اطيرن ليك بية بكل مسية
اظل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه
يدنيه شبيج حصره دوم نفسي
وعلى الطيبين دوم اتلوب نفسي
اجر حسره ونزل ماصعد نفسي
واذا يصعد حرك هدم العليه
شفت وسفه اعله البحر منحوت
وصرت شاخص حزن منضيم منحوت
اذا يونس عبرته اتصير منحوت
انا الطيب عبره يصير اليه
حديقه بعلم رب الكون ضليت
وعن درب العلم يا ناس ضليت
شجره وبس عله العاوين ضليت
وصرت سايق مخده وجودليه
يصاحب هالوكت النه ولادار
ولاكاع البعد تجمعنه ولادار
لا وكت الذهب مرنه ولا الدر
كضينه ايامنه ابهم واذيه
يدهري شبيك بالله من صفاتي
صافي وجذب تلكه من صفاتي
الوفه والخير والحب من صفاتي
وصفات الكرم كلهن ذني بيـه
غرامك فتت المهجه وسلها
وسهم غدرك مرد روحي وسلها
نجوم ليلك حلفها وسلها
ماحب غيرك لاخر نفس بيـه
عليّ ثوب الونـين اشكثـر .. حالي
شباب وهل شبت مـن دون .. حالي
انشدچ على احوالچ مثـل .. حالي
طايح والهموم اتشيل بيـه
هموم هواك ما خلن .. علي حال
فريضة وحبك من الله .. علي حال
يالتنشد على حالي .. علي حال
شيفيد النشد علي صار بيه
الج بس انتي قلبي .. ورجيته
ودمع العين يمـچ .. ورجيته
ابتعد كلمن نخيته .. والرجيته
ولا واحد اجاني وحـن عليه
رعيتك ليش قلبــك .. ما رعاني
ويهمك فت دليلـي .. وما رعاني
مره احبس بدمعي .. ومره اعاني
ومره اتطيح روحي ابين اديه
هجرك ياولف صايـــر .. بلا حد
مثل سيف اليگص رگبه .. بلا حد
رحت وآنه انتظر ترجـع .. بالاحد
اجه الاحـد ويمتـه اتعود اليه
احد سچين صبري وچــن .. ولاحد
التفت وما شفـت ربعي .. ولا حد
شچم سبت اليمر بيــه .. والاحد
اجي بس شوفتچ تصعب عليـه
لتهم بالعمر خلصـــان .. وحـــــده
وأنا ضعني سرى بالهــــوى .. وحــــــده
حلت جنها بعيونـك غير .. وحـــــده
وگمت لاتسأل ولاتمـر بيـه
غيرچ ماحلى ابعينـــــي .. ولاطاب
ولا دونچ دخل گلبــــــــــــــي .. ولاطاب
يجرحي وياچ ماهَّــــــــــــود .. ولاطاب
دم ينزف ولا تدريــن بيـه
محبتك تجري وي روحي .. ويدماي
وعليك انشلت اعظامي .. ويدماي
انچويت أبأيد أنا ناري .. ويدماي
ولكن مـن يطابگهـن سويـه
عليچ الروح راحــــت .. من يردهه
أوكيحه اهمومي صـارت .. من يردهه
خطيه الروح ملـــــت .. من يردهه
لأن بس الصبر لبس العليـه
اريد اغضب على قليبي وشرطة
جيفن رضه بحكمك وشرطه
انا المايلحكني بوليس وشرطة
بارهاب الحبيب الي عليه
كضيت العمر بس ادرس وطالب
وشيفيد اللعب بس اركض واطالب
صرت تلميذ عندي وطالب
ومن اسئلك شايل خشمك عليه
حبيبي انة منـك .. ونتة مني
وحس كلمن يون لك .. ونتة مني
اجت احزان دهـرك .. وانتمن لي
وصرت يفلان مأوى لكل رزية
العشك يهديب عمري .. كلفاني
وحبنة بغير حبكـــــم .. كلة فاني
سهمك من رميتــــة .. كل لفاني
شك صدري وجزاني ورد علية
ذبت وبشوك
شخصك مايعاني
ويعاني القلب منك مايعاني
لون تعطش سكيتك مايعاني
والك روحي لقدمهه هدية
شخص البادلك بالطيب رده
مو تجفي وتروح بغير رده
شافاني وركض للباب رده
جزات الطيب رد بابه عليه
اخذ قلبي اذا ذابت دلالك
من نار العشك يسلم دلالك
احب اسمك لحن همسك..دلالك
و احبك حتى من تقسى عليه
افراكك لاتظن بس مر فريجاي
حنظل ياللقب اسمك فريجاي
اذا رجوه رجيت انه فريجاي
تعود انته بسلامه وهاي هيه
همي من كـــثر يذبل وراها
ونار القلب مــا يخمد وراها
كل شده يـــهل وادم وراها
فرج ، والفرج من رب البريه
دمع عيني ابد مايبس ونشاف
شكثر قلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه
ابيع احزان تالي الليل منراد
وسؤالي الي طرحتة اليوم منراد
ليش الطيب وية الناس منراد
لان مايمتلك ذرة اذية
تناديني واكللك هسة اجاني
كبل للحزن راغب هسة جاني
جنت محتاجة مامر هسة اجاني
من طاح بعسر مد ايدة الية
الهجر يكتل يصاحب وانت داري
عليك يخاف قلبي وانت داري
انت اهلي وعمامي وانت داري
انت امي وابوي واخ اليه
ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه
رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه
يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
عسى بعيد كصير العمر ماطال
يامن وجهك بعد عالعين ماطال
ردي حظي وشخصك ابد ماطال
لون محظوظ كلك بين اديه
جروحي الماتدنك باركتلـك
ونهر خمرة عيوني باركتلك
ابخبر طعنة دليلي باركتلك
كبل لا شامت يهنيك بيه
حبك صدك طوقـني بطاقـة
وحمرة أطيت دلالي بطاقة
الناس شسـوي بعد بطاقة
بس تضحك توج الناصريـة
صحيح بعيد بس قلبي شعر بيك
حزين وباقي بس يكتب شعر بيك
عجب لي هسه باقي اسود شعر بيك
وانه بفركاك ماضل شعر بيه
الك مني سلام والف مرحب
شكثر مرت اخوة شكثر مر حب
انة ناخي الطبر بالسيف مرحب
اعز واحد تضل ياخوي اليه
بعدكم تارك بقلبي ورم شاك
علاجي بنظرة عيونك ورمشاك
احبنك واحب امشي وره مشاك
وصلتك بعد خل نمشي سوية
بقينة بعش حزنة مانقلنة
وحجي لوادم لوادم مانقلنه
الوكت من امتحنة مانقلنة
اخذنة بكل درس اخلاق مية
افكر بيك ياصاحب ولانام
ولااغمض جفن عيني ولاانام
احب اكعدكبالك ولا انام
عزيز وشوفتك حصره عليه
غرامك فتت المهجه وسلها
وسهم غدرك مرد روحي وسلها
نجوم ليلك حلفها وسلها
ماحب غيرك لاخر نفس بيـه
حبك بالقَلب حافر وناقش
وصرت نيران تحركَني وانا قش
اريد اكَعد وياك احچي واناقش
واكَلك لشوكت تقسي عليه
احبك من زمن جدي وجدك
وروحي راحت مني وجتك
دورتك بين اظلوعي وجتك
بنص قلبي ومعشعش عليه
جروح شوكك بعدك ولمني
وسبب الفراق منك وله مني
بغيابك نظر عيني وله مني
قمت اوجد حرثتي بأطراف ادية
****
روحي من الصبر طف طف وعاها
عليلة و لاخليل الها وعاها
اعاني من خلل بيها وعاها
حنينة و ما تميز الناس هية
****
على درب الاحبة ودي اعاني
ذبح قلبي بغيابة ودعاني
بدموع ايتام شفتة ودعاني
شلع قلبي شلع ذيج المسية
****
جم حسرة على شوفتك حاصرتني
غبت و خيول هجرك حاصرتني
الك عبرة شكبرها حاصرتني
بكبر طركاعتي الطاحت علية
****
نحيل الجسم من بعدك تراني
واريدك دوم بعيونك ترانـي
أفكر بيك كل ساعــة تراني
أفكر والبعد يصعـب عليــه
****
الوكت مانشف عيوني وشرهن
وطحت بالغاسق الواقب وشرهن
رهنت الروح لودادك وشرهن
بعد بس كاع كبري وموش اليه
****
قلبي باع كل الربع وشراك
بودادك وحده ماخان وشراك
شراواني الوكت من ضيم وشراك
يهون من اذكر انته احزام اليه
****
بعد مالي على دنياي عتبه وشرهه
نفع ماريد بس جفيان شرهه
اريد احجي بسالفتي واشرهه
واشوف الناس شتلوم بيه
****
الوكت بيده لزم روحي وشرهه
بنص وادم ولانعرف وشرهه
بمزاد يريد بيعته وشرهه
شرتهه ومارضت جيفن ابيه
****
عليك الروح ملهوفه وشرهه
واترك نية التكره وشرهه
دمعتك طشهه بجفوفي وشرهه
لأن دارك دليلي وموش اليه
****
يهل الناديت بسمي هواى عيده
ويه هل ماخذ دليل وياك عيده
القلب مو بسعد رمضان عيده
اني عندي العيد من نكعد سويه
****
قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية
****
بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه
****
حلو وياك قلبي صفه نيته
يريد يكون يمك صفه نيته
شارعنه بجمالك صفينيته
وطاح من الركن للركن بيه
****
وحق الله وملائكته وكتبه
عجبني شايل الجنطه وكتبه
لعب بيه الدهر و الطر و كتبه
بالچذب ما انكسر قلبه و حن عليه
****
هله يلي عليك الروح هفت
مد ايدك على نار القلب هفت
شكثر ناس علي بحجار هفت
لجن بشوفتك جتني المنيه
****
مظل بالدار بس الذيب وحداي
غريب بليل جلجل غيم وحداي
سرا ضعن الاحبهم حبف وحداي
غريب وشامت وطبعه الاذيه
****
لفاني الهم غطالي القلب ويروح
يعمري الخلص بس لجمات ويروح
ماظن ليل الاسود خلص ويروح
طويل اظلم مطر تاهت عليه
****
الدنيا خلافك وحشه ومره
ولا منك بعد جيه و مره
صورتك مره اضمنها ومره
اشوفنها وتوج نيران بيه
****
نبيل وطبعك توافي وعيدك
وحسبك من اعز ناسي
وعيدك
عيد الفرح عالوادم وعيدك
سرور وفرح ويامك زهيه
****
انته من
العمام وموش كل عم
وحكك مانحسب الخاص كالعام
عسن
عيد
الفرح والخير كل عام
يمر ولا تمر بيك الرديه
****
عسى قلب النودهم مانسانه
عزاز وبس ذجرهم مانسانه
خالك بشدايد مانس
انه
عجب للحين ماتنشد عليه
****
الموده عدنه موجوده وعدكم
ويظل ثابت لكل بي حظ وعدكم
كرايب بالسلف عدي وعدكم
اولهم
تره
انته تصير اليه
****
زمان الجان يزهي كبل مادام
وبجيت عله الخدود الروح مادام
عكبهم كلت اسم الروح مادام
مشوا عني بعد جا شلي بيه؟
****
مشوا عني شلي بروحي بعدهم
وكت كل غايته عني بعدهم
عيد المايحط جفه بعدهم
حرام انجان
يهنه
العيد اليه
****
حرام انجان يهنه العيد ويطيب
ولاجرح البعد يلتام ويطيب
الي بركان حدر الضلع ويطيب
يطك
من
تمر ذكراهم عليه
****
يطك من تمر ذكراهم وليراي
الي
جانوا نهر عشره وليراي
لهم راي اليفاركنه وليراي
اسير ويّ الضعن
ماصح
بديه
****
حده وكطّع غفل روحي منحداه
وعميت وماعرف حدي
منحداه
سوه ماكو فرق وحده منحداه
النوايب ذيج بيك وهاي بيه
****
النوايب دارن وصكن بعدكام
وكضن عشرين من عمري بعد
كام؟
كضت كومه من جروحي بعد كام
يمين اجان اداويهن بديه
****
يمين انجان اداويهن ولاروف
وبعد لا أرحم بحالي
ولاروف
تهت لاماي ظل عندي ولاروف
فقط دمع الوجد نهران بيه
****
فقط دمع الوجد نهران ليلاي
على اللاظم الليلو
فوك
ليلاي
جذب ماظن تصير بيوم ليلاي
إذا حته آنه صاير موش أليه
****
قلب صافن اذا تسأل
قلبنا
وابد ما فد يوم عالصاحب قلبنا
احنا ضلوع الك وانت قلبنا
ونحافظ
عالقلب منم كل اذية.
****
اني من بعدك دمع عيني هل
واني بغيابك ما احس عندي
هل
صدكني لو هلال العيد هل
ما اعيد الا تعود اليه.
****
القلب مارفرف لغيرك
ولاهل
غاب الكمر من شافك ولا هل
بعد لا ابو عندي و لا هل
يتيم وتلعب
الايام بية.
****
غيرك ماحلى بعيني ولاطاب
ولادونك دخل قلبي ولاطاب
يجرحي
وياك
ماود ولا طاب
دم ينزف ولا تدري انت بيه.
****
اكتبلي شما ردت اكتب
وردلك
ازعل وابتعد وامشي واردلك
بساتين بوسط قلبي ورد لك
يابحر الاخوة
الصافي مية بالمية.
****
تروح الروح بغيابك واردهه
وكتاب جفاك يمدلل
وردهه
روحي بغيابك ترة يذبل وردهه
ماي انت وترد الروح بيه
****
احبك واحب عينك ورمشاك
واظل طول العمـر امشي وره مشاك
اذا تكطع علي مرســـــالك ورمشاك
اموت وما يظل كل نفس بيه
****
لغيرك مارجف قلبي ولا دك
وثكيل وياك ميـزاني ولا دك
جهازك لا علي رمـش ولا دك
قساوة البيك لو نقصان بيه
****
يريـــــــــــــح الهاب لحبابي وديني
ورفع وجعي للخالــــــــــق وديني
الاهي ابجاه كــــل صومي وديني
احبابي اتشيل عنهم كل اذيه
****
دوم انشــــــــــد عليك الراح والرد
الوفه منك نبع والطيــــــــــب ورد
ردت منك جــــــــواب الهاي والرد
اعز الناس ما يسأل عليه
****
تشوف اهمومي بعيونـــك وترها
وتغيب وتكطــــــع بروحي وترها
يرهيك الوكت يسمـــــــــر وترها
وتصير انت ابو راهي عليه
****
غياب اجفاك لرمــــوشي لجنها
عميت اوروح ماعــــــادت لجنها
وكك علي او دمــــــــعي اجنها
ارخصت يوم شح وصلك عليه
****
اودك من جنت يشكر مـــن الليل
بجمالك ما اظن يوصف مـن الليل
وحكك مانمت ساعة مـــن الليل
لاجلك ونغرض حبك عليه
****
ابات الليل بالحســــــــرات منطر
تظـــل عيني على البيبان منطر
شفت خدها عبالي الفجر منطر
قمت صليت من غصبن عليه
****
يهل الناديت بسمي هواي عيده
ويه هل ماخـــذ دليل وياك عيده
القلب مو يسعــــد رمضان عيده
اني عندي العيد من نكعد سويه
أعد أيام عمري ونسه عدها
ونادي وين عزها ونسه عدها
أشوف الناس تضحك ونسه عدها
بطر لو من سفاهه أضحكت هيه
يرأس المال انته و التجاره
عليك عيون تهمل والتجاره
عونه الصار جارك وانت جاره
يشوفك كل صباح وكل مسيه
الدنيا الزين اخذ منها ومنك
اطها احسان للوادم ومنك
عليه وخل جهد روحك ومنك
تشع مثل الشمس لجل البرية
نبع صافي ويجي العطشان وارد
وروضك بالشرف والطيب وارد
تأخرت بجوابي عليك وارد
خالك لا علت صبرك عليه
غاب الكمر من شافك ولاهل
ولغيرك مانزل دمعي ولاهل
مالي اصحابمن دونك ولاهل
عزيز ويصعب فراكك علية
حديقه بعلم رب الكون ياناس ظليت
وعن درب العلم ياناس ضليت
شجره وبس عل العاوين ضليت
وصرت سايق مخده وجودليه
ترص ايدك واعاني من رصيدك
انا الصياد احلم مرة أصيدك
اذا السنتات ظلن من رصيدك
دخيلك بس رمش عليه
عيوني من الهجر ملت وسالت
وعليه احباب ما نشدت وسالت
الف دمعه جرت مني وسالت
ولا دمعه جرت منكم عليه
انمرد چبدي وطريح اصبحت بالدار
ولا واحـد ذكــرني ونشـد بالدار
الاحـبه وما ابدله ابذهـب بالـدر
اذا راح ايـشـظـل بـعـده بأديه
سر مخفي بحسنهه حاجباها
وخط الطول يمكن حاجباها
خاف عليهه ابوهه حجباهه
شمس وتحجبت شيصير بيه
شضم بأسرار ألبقلبي ولي فاه
و أذوبن لو ذكر عاشق ولي فاه
اله عندي قلب ينبض ولي فاه
قلب ينبض اله وينبض إليه
منهو الوصل يم داري ولي سال
اخبريته ودم دمع عيني ولي سال
انه الي انهبو عنبي ولي سال
وناطوري انهزم مامر عليه
يعالي اشنزلك للكاع ونصاك
انغلق باب الفرح فدنوب ونصاك
ون عالمشو بس ون صاك
وما اضن بعد ايرجعون اليه
النسه ما عاشرن واحد وفنه
صعب ما ينعرف غشهن وفنه
شحده اليوصل بحرهن وفنه
عكب الطيب يجازنه برديه
صرت مرهون حبك وانت راهن
وعليه ايام هجرك ون تراهن
تجي مره انتواجه وانتراهن
منو الاكثر يحب ويود اخيه
وحك اهل الوفه والملح والزاد
الكرم افضل معاني الشيم والزاد
حلالي مايهمني النقص والزاد
تهمني الناس شتسولف عليه
اطلع من جفن عينك وارد بيك
واشتم عطر من خدك ورد بيك
صرت مثل لقصيده انت ورد بيك
وصرت انت النبض والروح بيه
أبوذيات لمسلسل نور
أجلبنك يا ليلي والشعب أدمن
على الأم بي سي فور وكله تتصفن
شنو القصة أسألتهم وزعوا تمن
لا گالو مسلسل طالع النوره
اباوع على المسلسل كله عريانة
من نورة الشريفة النانه والدانه
وأعاين على الخلگ نحلانه خدرانه
وتمش ابلا فكر صدگوني مسطورة
سر سرني صديقي وگلي لتبوحه
مهند مو حلو بس نورة مملوحه
اسكت گتله أني وعيني مجدوحه
عمت عينك دشوفه چنه بلورة
صور نوره ومهند ترسن الشارع
وعليه الناس توگف والله وتباوع
وراح احچي اعله موقف بالفكر طابع
طلگ مرته واحد من ورة الصورة
حلو هذا المسلسل كلهه متفقين
بس اني اشوفن احله بيت الطين
بي ذبت اهلنه الي بلوفه رابين
و اطباع العراقي الي ما نكر طورة
ابوذيات
قدر مكتوب حبك وانت قسمة
الواحد ماله ناتج من تقسمة
لون بسيوف قلبي من تقسمة
دشوف معزتك شنو مسوية بيه
بهجرك صفه بيتي دار ميات
وعندي من القصر والدار ميات
حبيبي شكثر ادزلك دارميات
ماشفت منك غير ابوذيه
انة الحزت الصبر والصبر حزني
والف وسفة اعلة سيف الظلم حزني
البحر الابيض لون يلفيه حزني
يصير اسود بلون الليل مية
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه
حلو إسمك وأبوك شلون سماك
حبيبك لو زعل وياك سماك
صرت سمچه وانت الصرت سماك
لو طحت بحنانك إعطف عليه
أكتبلي شماردت تكتب وأردلك
أزعل وابتعد وامشي و أردلك
بساتين بوسط قلبي ورد لك
يابحر الاخوه الصافي ميه
يانور العين مرسالك وصلنه
ودمع العين بلل كل وصلنه
امانه عليك لاتكطع وصلنه
وخلي دوم عشرتنه سويه
الك ياما نبض قلبي ودكلك
واطحن بالحجي ناعم وادكلك
شكدباليوم ارمشلك وادكلك
درمش بالجذب مره عليــــه
يرفرف فوك كل عالي علمنة
ويظل ينفع العالم علمنة
الفرح من نزل لينة علة منة
علة وشرد خاف من المنية
القلب يسال عليك وانت داري
و بعدك وين اروح وانته داري
اني طول العمر جنت اسهر و اداري
وانته تال الوكت اتخون بية
عرفتك وعرفت لغزك وحلاك
سبحان من جملك ياسمر وحلاك
صعبه اهدنك من ايدية وحلاك
لان بفراكك يعني المنية
انكتب حبك بنص القلب كتبـــه
وصرت طالب وضاعن بيك كتبـــه
العبت اَنه بغرامك طـــره كتبـــه
ولا مره كسبت الداس ليــــه
أبات الليل بالحـــسرات منطر
تضل عيني على البيـبان منطر
شفت خذها عبالي الفجر منطر
كمت صليت من غــصبن عليه
المصايب بس على روحي تلافت
يقلبي اعله النكر طيــبك تلافت
اون وعظامي بهــجرك تلافت
طريح وســاد دوب النفس بيه
الك حن القلب يسمر و الك مال
وذاب القلب من هجرك و الك مال
لآني ناجح بحبك ولا كمال
ولا راسب و اقول لك حيل بيــه
تنخاني بشدتك و اني اعينك
وشغلك بوسط قلبي وعينك
اريد اسأل ربي الي خلق خدك وعينك
يحرسك دوم ويحفظك اليه
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمع طيب ونضيف
بكثر معنى الحـروف الابجديه
هجم حبك على سنيني غزلها
وروحي بمغزل الحسره غزلها
القصايد بس الك لايك غزلها
و اشكد افرح اذا تسأل عليه
جروحك بالقلب خزن واذاني
صلاتي بعد ما تنفع واذاني
عيوني ما اظن يصحن واذاني
انسدت وظلمة الدنيا عليه
دمع عيني حبيبي غرك انه
اخوي انته وصديقي غرك انه
اذا فد يوم احبن غيرك انه
نذل بذات و اطباعي رديه
انا روحي رجيجة وحيل خضرة
لام شعر الذهب وعيون خضرة
بعت الها القلب باعت لي خضرة
ريحان كرفس اربعة بمية
يسالوني شسمها وقلت وجدان
اذا مرت تصيح الناس وج دان
الفضائل من تتم اتصير وجدان
الشمس ويا الگمر تاخذ تحية
جميله وبالحسن الله وسمها
وحرز بالبيت صورتها وسمها
اسم كلمن يمر بيها واسمها
واسم روحي اذا شحت عليه
خلافك الدنيا وحشه ومره
ولا منك بعد جيه و مره
صورتك مره اضمنها ومره
اشوفنها وتوج نيران بيه
يا صاح شلونك بهجري وانه بعيد
لاجلك البس الاسود وانة بعيد
تكلي حيل احبنك وانة بعيد
اكرر والصدى يرجع علية
على ثوب الونين شكثر .. حالي
شباب وهل شبت من دون .. حالي
انشدج على احوالج مثل .. حالي
ضايع والهموم تشيل بية
إهمومك هواي ما خلن عليّّ حال
فريضة وحبك من الله علي حال
يالتنشد على حالي علي حال؟؟
شيفيد النشد عالصار بية
بعز نومي اجه طيفك وعاني
وانا لاجلك حبيبي اسهر واعاني
احبك لان انبـاري وعاني
ابن عمي وتظل غالي عليه
جروحي بروحي خفيه من يراهن
عيوني وعمت الكم من يراهن
بعد يومين اموتن من يراهن
اذا ما متت عود اعتب عليه
لجل عينك جروحي ما تهمني
وصدك من قال أحبك ما تهمني
أحبك منهو قال لك ما تهمني
ومن أشوفك تشب نيران بيه
هاك القلب بيدك حيل طحنه
أمس فوك النجوم واليوم طحنه
شبدينه وبالعشك ياناس طحنه
غشمه وقلوبنا تحب الأذيه
وحگ ربنا وسماواته وارضه
بغيرك لا تظن اقتنع وارضه
عشرتي وياك عشره خشب وارضه
تلفت اعضاي من سكنت بيــه
مو عشرة تراهة وياك طلعت
ومن كثر الجروح الروح طلعت
شفت مرة شمس بليل طلعت
اقول للناس ميصدكون بية
ذبل هرش القلب لاجلك وخاوه
وطمع ما ردت منك وخاوه
الفخر مو للذي عاشر وخاوه
الفخر للطيب اليذكر خوييه
جرح البيه كافيني وزايد
اضل للموت احبنكم وزايد
بمزاد الحب اريد اكعد وزايد
واكل للناس حبك بس اليه
نشدت الناس عنك ونته ماكو
وعليه الهم يغالي مثله ماكو
اريد اسمع علومك شكو ماكو
وانا الممنون اذا تسأل عليه
عليك اشكد رجف قلبي وداري
ولجل عينك بعت ملكي وداري
اظن تعلم بضيمي وداري
شكد احبك ونت تضحك علية
امشيلك ابدال الميل ميلان
وحبك علئ قلبي يميل ميلان
اذا نادي عراقي غلب ميلان
يصير سهل نسيانك عليه
زماني اشكَد صلف كَلـّي وما اجراك
تعذّبني!تحصّل كم وما اجراك
يقَلبي لكَطع عروكَك ومجراك
اذا ابّالك تمل من الاذيه
يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه
يروحي وين ماتمشين..ورده
عطر قداح من يفوح ..ورده
حبيبي من عطر الجنان..ورده
نزل على الارض نور ويشع ضيه
فشك بارود وكتي ثار منك
واريد أبحيل اخذ ثار منك
مصايب وكتي كله ثار منك
تحشم بل الوقت وانته عليه
ضعت والروح سالت من انا من
يعمي شبيك امن مني امن
تدري شوكت افرح من انامن
لان بس بالحلم تتراوه ليه
عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك أتخون .. شطاك ؟؟
وشخذ منك ثمن جرمك عليه ؟!
سلامي للولف ياطيــر وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه
عليك عيون تسحر من يراهن
وظنّه يموت بالحب من يراهن؟
يريت عيوني تعمه ومن يرى هِن
لأنك غالي يحبيّب عليّــــه
عجب مامَر شريك الروح بس لاح !
رماني وردت اصد السهم بس ..لاح
لجيبك لو تصير اليوم بسلاح
وتداوي جروح علاّتي الخفيه
اموت بنطرة اعيونك وشعرك
واحب اسمع مواويلك وشعرك
تمنيتك قصيدة انت وشعرك
و ردد بيك كل صبح و مسية
بعت قلبي وملكتك مالك أحلة
لأن أجمل مشاعر مالك أحلة
صدك رمش عيني ماله كحلة
بس أطراف أصبعك كحلة لية
عليك المات والحي سائل آنه
صلب لاكن لربعي سائل آنه
وگفت اباب بيتك سائل آنه
اذا ما تنطي ليش تكص اديه
بقلبي امشي بدرب حبك ولك حيل
و الك من غايتك همة و الك حيل
الضعيف يطيح بلمطرد و الكحيـٍَِل
يواصل لو علة جتافة المنية
وصل خطك يروح الروح بي داي
قريته وسال دمع العين بيداي
ياريت اليالي اتعود بيداي
واخبرك بالفراك شعمل بيه
حبك شامه بخدودي ودكــه
واحط بالقلب بسمارك وادكه
شكم دكه شفت منك ودكــه
ورغم كل هذا احبك مو بديه
عيوني من البجي ركن شراكة
بعتني والقلب تدري شراكة
جبتني وياك عالحلوة شراكة
وكت المر عفتني وخنت بيه
شيضرك ان تسامح وان تهديت
وكلتلك لاتهدني وانت هديت
انه الهديت قبلك وانت هديت
وراي وهدتك صارت عليه
عصت عيني يدمعي ما تهلك
وتلف من شاف طولك مات هلك
تگلي اشبيك ناحل ماتو اهلك
صدر طاؤوس من تقبل عليه
• حلاوة وطيب للياكل تمرنه
نحب نسمع كلامك من تمرنه
تميل البصره كلها من تمرنه
والك شط العرب ياخذ تحيه
• وحق من نزل الآية و الكتاب
جاز القلب من عدك و الكتاب
رسايل بعد مادزلك و الكتاب
لان كلهن ترجعهن عليه
• القلب من ساعة الحبك هلك ليش
احچي اوياك ما تحچي ها لك ليش
اقتنعوا كل هلي ابحبك هلك ليش
ما قنعوا بحبك ليش اليه
• زماني رضرض عظامي ورمه
أجلاي وقلبي من عنده ورمه
شلون الطفله من تركض ورمه
هجي همومي تتراكض عليه
• حرت اش اشتري كية لو بيكم
ومدري الصوج بية مدري بيكم
والله لو تلعب لعب زيدان وبيكهم
ما اخليك تصغرني وتشمت الناس بية
• عليك الروح تجذبني واردهه
لان قلبي نبع صافي وردهه
شلون تغيب وانت اسمك وردهه
واردلك بالشعر غصبا عليه
• بعد مالي على دنياي عتبه وشرهه
نفع ماريد بس جفيان شرهه
اريد احجي بسالفتي واشرهه
واشوف اهل العكل شتلوم بيه
• الليالي كثر باطلهن وشرهن
وبعد مااعتب عليهن وشرهن
شبيعن لليداعيني وشرهن
البقن بالدار كلهن موش اليه
• عليك الروح ملهوفه وشرهه
واترك نية التكره وشرهه
دمعتك طشه بجفوفي وشرهه
لأن دارك دليلي وموش اليه
• عطـش قلّبـي بمحبتـك - ماي يتاني
وبعـد ما اظن ينطـرك - ما يتاني
تعــال وشوف حالـــي مآيتاني
بس الروح گــوّه مچلبـــه بيه
• على ضيم الهوى ياروح علمي
وبيها ارفعت اني اليوم علمي
اسالتها المستوى وتقول علمي
بخامس باء يالتسال عليه
• هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه
• الك ياصاح ماظل مني خاطر
واحسبه احساب دربك من اخاطر
تعال قرب حبيبي مني خاطر
تعرف اجنون حبك شسوه بيه
• انا بكاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه
• عيونك تصيب القلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه
• يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه
• نفر من قلت لج وصاح مالج
واخبر الروح اكله شبيج مالج
عشكتيلج حلو من بيت مالج
تعافى وذب سوادينه عليه
• انا المكسور دومي من لحمني
اسد خيوط ربعي من لحمني
أبي وماكلت روحي من لحمني
تلحك تستوي وتنطيه اديه
• جنة من الدفو ياناس حضنة
عشكتة وماكعد وياه حضنة
ما ردت الطمع بس ردت حضنة
ومن احضنة محد يفكة من اديه
• وحق الي تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه
· تالي الليل اكلهم باجر انساك
افز من غبشه الله واحجي بس بيك
بغيرك فكرت قلت انه بلكي انساك
طلع غيرك يشبهك فكرت بيك
· ألك بايع دليل وانتحر بيه
أموت انا بجمالك وانتحر بيه
وافجر كلمن يحبك وانتحر بيه
لأن حبك مخصوص بس اليه
· انا دهري رماني سموم بسكوت
و اون ون الطفل لو راد بسكوت
مدينه وما حلت ليه بس كوت
لان موطن حبيب الروح هيه
· اصيح ابصوت وانت اوياي رد رد
احبك لاتروح بعيد رد رد
واذا جتك رسالة عشك رد رد
لان ردك يرد الروح بيه
· الدنيا من تحارب رجل تنفيه
تضكه ولا تخليله نفس تنفيه
اثاري الضحك للمغبون تنفيه
تحسده الناس والعله خفيه
· الوكت شبه التبستر بستراني
واريدك بس تجيني بستراني
صحيح انه مؤدب بس تراني
البيه يعيل احرك شيب ابيه
· يقلبي الي تحبها رابطلها...
وحرز بالروح صدك رابط الها...
انة الشاعر واسوي رابط الها...
واخلي اهل الشعر تحتار بيه
· فنك تبعد عني ماشي فنك
لان العيون كلهه ماشفنك
لون تسعين سستر ماشفنك
أشافيك بنفسي وطرف أديه ...
· بيادر شوگ حبي .... لونه منك
اثاري الورد ماخذ ... لونه منك
شفايف هيچ عندي .... لو انه منك