|
الجمعة 22 اب 2008 كشكول الجمعة
حدث الأسبوع/ في حالة تتناسب عكسياً مع خطوة الجهات الأمنية العراقية بإطلاق سراح المعتقلين السعوديين في السجون العراقية وتسليمهم للجانب السعودي، يقوم هذه الايام ارهابيوا السلطات السعودية بحملة تذكرنا بالعصور الجاهلية تتمثل بقطع رؤوس عدد من المعتقلين العراقيين لأسباب غير سياسية، قضى أغلبهم فترة محكوميته، الا ان الرغبة الوحشية الدموية من زعماء ( المهلكة ) جعلتهم يذهبون قرابين للصمت الرسمي العراقي، وصح النوم يا حكومتنا!.
فلم الجمعة/ تستمر وبنجاح ساحق في سحق رؤوس الارهاب العمليات الأمنية في ديالى رغم زعيق عرابوا الارهاب وساسته من أعضاء جبهة ( التنافق )، ورغم لجوء جرذان الارهاب الفارين من وجه العدالة الى أسلوب ( زعطوطي ) يتمثل بكتابة الشعارات اليائسة على الجدران.
أبيض وأسود/
أبيض: قال رئيس جبهة التوافق عدنان الدليمي إن ولده مثنى، الذي أعتقلته القوات الأمنية مؤخراً بتهمة الإرهاب، لا علاقة له بالعمل السياسي وهو صاحب محل للأدوات الاحتياطية.
أسود: كشف المتحدث باسم خطة فرض القانون اللواء قاسم عطا أنه تم إلقاء القبض على المتهمنجل عدنان الدليمي ( مثنى ) أثناء قيامه بزرع عبوة ناسفة في أحد المنازل العائدة لإحدى العوائل المهجرة في منطقة حي العدل.
بالباكيت/ السياسي ( الحرباء ) نديم الجابري، الذي يتلون بألف لون، وينعق مع كل ناعق، أرتمى مؤخراً في أحضان هيئة علماء الارهابيين حينما أمتدح ما أسماه بـ ( المقاومة ) في لقاء مع فضائحية الهيئة، ليفتح بذلك صفحة جديدة في سجله السياسي المليء بالعمل النضالي مع حزب البعث ثم حزب الفضيلة اللفطي!.
يقال/ يقال والعهدة على القائل ان المدعوة صابرين الجنابي وجدت ملقاة في احدى المبازل وعليها أثار تعذيب واضحة، وبعد نقلها الى المستشفى من قبل القوات الأمنية ومن ثم استجوابها أعترفت بانها كانت مجندة من قبل الحزب الاسلامي لتشويه صورة القوات الأمنية وحكومة الوحدة الوطنية عبر قصتها المفبركة، مقابل مبالغ كبيرة دفعت لها.
صدق و لا تصدق/ صدق ان وزير التجارة عبد الفلاح السوداني أعلن عن عدم السماح بتجزئة تجهيز المواطنين بمفردات الحصة التموينية، مؤكداً على توزيعها كاملة خلال الشهر .. ولا تصدق ان هذه وعود السيد الوزير هذه ممكن أن تتحق على أرض الواقع ( لأن شابعين منها )!.
عجيب أمور غريب قضية/ حقاً إن بعض نوابنا هم فلتات زمانهم، فقد أنتقد رئيس لجنة المهجرين والمهاجرين في البرلمان، النائب عن حزب الفضيلة باسم الحسني عودة المهجرين إلى البلاد واصفاً إياها بأنها قسرية وليست طوعية. وربما ان عودة المهجرين لا تعجب نائبنا الفلته، وبقائهم يدخل الفرح والسرور في قلبه وعقله الموزون!.
100بلـ 100 / في دليل جديد على مدى عظمة العمل الايماني الذي كانت تقوم به ( ميليشيات أغصان الزيتون ) في دور العبادة، اكتشفت القوات الأمنية غرفة مخصصة للتعذيب والإعدام في مسجد جنوب بغداد كان يخضع لسيطرة المليشيات، وقد عثر في داخل المسجد على رفاة امرأة داخل قبر وعلى حبل يتدلى من سقف غرفة للتعذيب وسلسلة أوثق بها جسد رجل عجوز أخرجوا رفاته من داخل أحد القبور. بالإضافة إلى 27 جثة.
تدرون لو ما تدرون؟/ تدرون لو ما تدرون ان المجرم الهارب مشعان الارهابي يطمح لشموله بقانون العفو العام وعودته الى أرض الوطن وممارسة العمل السياسي من جديد، حيث ان مجلس محافظة صلاح الدين بصدد إرسال مذكرة إلى الحكومة ومجلس النواب يطالب فيها بإعادة الحصانة إلى مشعان. ولكن لمشعان وزبانيته نقول ان هذا الأمل يشبه أمل أبليس بالجنة!.
واي واي/ النائب خلف العليان كشف عن ميوله البعثية بكل صراحة ووقاحة تحت قبة البرلمان اثناء عملية التصويت على قانون انتخابات مجالس المحافظات حينما نادى بأعلى صوته وامام النواب جميعاً: اني اصوت على قانون انتخابات مجالس المحافظات نيابة عن حزب البعث!.
سري وشخصي/ استأجرت المفوضية العليا للانتخابات في العراق كلية في العاصمة الأردنية عمان تضم 1400 موظف من مدخلي البيانات لطباعة سجلات الناخبين. وكأن العراق يخلو من أشخاص قادرين على القيام بهذه الوظيفة!.
من هو؟/ أكثر وزراء الحكومة الحالية اطلاقاً للوعود.. وأقلهم عملاً.. وأكثرهم فشلاً في ادارة شؤون وزارته؟
الجواب/ وزير الكهرباء وبدون أي منافس
المحطة الأخيرة/ اياد علاوي يعزو التحسن الامني إلى نشر الحواجز الكونكريتية في شوارع بغداد ( أكعد أعوج وأحجي عدل )! الخميس 21 اب 2008 ابن الدليمي هزاز!! الخبر: قال رئيس جبهة التوافق عدنان الدليمي إن ولده مثنى، الذي أعتقلته القوات الأمنية مؤخراً بتهمة الإرهاب، لا علاقة له بالعمل السياسي وهو صاحب محل للأدوات الاحتياطية. التعليق: هاي التبريرات مو جديدة على الهزاز..لأن من لكو بكراج بيته سيارات مفخخة كال ما أدري بيها..وأبنه اللاخ الي أعترفو عليه كل حمايته كال بريء..وأبنه الثاني أبو مقاطع الموبايل (الكلش أخلاقية) كال حاسديه..وسه على مثنى يكول عنده محل أدوات احتياطية..بس ما كمل الجملة كلها..لأن الصحيح هو صاحب محل أدوات تفخيخية للسيارات المفخخة..ومو غريبة اذا طلع ابن البط عوام!!!.
أغرب تصريح!! الخبر: انتقد نائب رئيس لجنة المهجرين والمهاجرين في البرلمان، النائب عن حزب الفضيلة باسم الحسني إهمال الحكومة لشريحة المهجرين، واصفا عودتهم إلى البلاد بانها قسرية وليست طوعية. التعليق: يمكن هذا النائب شارب نفط..خاصة أنه حزبه اله علاقة صداقة قوية ويه النفط..لأن تصريحه غريب عجيب..يلوم الحكومة على اهمال المهجرين..وبنفس الوقت ما يريدهم يبقون بره البلد وما يرجعون..متكلي أنت شنو سالفتك..تريد العراقيين يبقون بالخارج حتى أنت وحزبك تاخذون راحتكم بالداخل وتلفطون بكيفكم!!!. خلي يولن عليوي!! الخبر: قال ضامن عليوي المطلك رئيس لجنة العلاقات والإعلام في مجلس محافظة صلاح الدين إن المجلس بصدد إرسال مذكرة إلى الحكومة ومجلس النواب يطالب فيها بإعادة الحصانة إلى النائب مشعان الجبوري رئيس كتلة المصالحة والتحرير وشموله بقانون العفو العام خاصة وان مشروع المصالحة الوطنية يفترض أن لا يستثني أي احد وخاصة الذين لهم سبق في تقدم العملية السياسية في العراق وكان قد قدم استشارة بتشكيل أفواج حماية المنشات النفطية في محافظة صلاح الدين وهذا الأمر امتص الكثير من البطالة وحافظ على الأمن وحمى الثروة النفطية. التعليق: خايب عليوي..عليمن جاي تبيعهن ذني..شنو حسبالك الناس غشمة..لو كل العراقيين فقدو الذاكرة حتى ينسون مآثر البطل الهمام المغوار مشعان الجبوري..الي مو أولها دعمه الواضح للارهاب عن طريق قناته المجاهدة..ولا أخرها جرائم الفساد المالي بأفواج حماية النفط الي كتل روحه عليها علمود مصالح (جيبية) مو على سواد عيون الوطن!!!. أخجلو يا عرب!! الخبر: وصف رئيس الوزراء نوري المالكي زيارة نظيره فؤاد السنيورة إلى العراق بالتاريخية والمهمة وإنها تشكل منعطفاً تاريخياً في العلاقات بين البلدين، كونها تأتي في ظل تأخر الحضور العربي عن الساحة العراقية. التعليق: لا تستعجل أبو اسراء..تره العرب مصيرهم يسووها ويجون مثل ما سواها عبد الله والسنيورة..اذا مو اليوم باجر..لأن موقفهم صار كلش يخجل..نص زعماء العالم زارو العراق وهمه بعدهم ياخذون خيره..وكل غايب عذره وياه!!!.
عاجل الى كل العالم!! الخبر: زار محافظة النجف الاشرف وفد من شيوخ عشائر ورجال دين مدينة سامراء وأدوا مراسيم زيارة الإمام علي بن ابي طالب (ع) ثم زاروا المرجع الديني السيد علي الحسيني السيستاني واكدوا ان زيارتهم هذه تأتي لتوحيد الصفوف. التعليق: بارك الله بيكم وبزيارتكم..لأن هاي احسن رسالة توجهوها للعالم بأنه شعب العراق واحد موحد وما يتأثر بمحاولات الارهابيين والتكفيريين اليائسة لزرع بذور الفتنة..وخوش تغليسة من الفضائيات الصفراء الي ما جابت طاري لهاي الزيارة لأن الشغلة ما تفيدها ومو بلية سودة حتى تبثها عاجل بسرعة!!!. وسائل ايضاح لجهنم!! الخبر: اكتشفت القوات الأمنية غرفة مخصصة للتعذيب والإعدام في مسجد جنوب بغداد كان يخضع لسيطرة المليشيات، وقد عثر في داخل المسجد على رفاة امرأة داخل قبر وعلى حبل يتدلى من سقف غرفة للتعذيب وسلسلة أوثق بها جسد رجل عجوز أخرجوا رفاته من داخل أحد القبور. بالإضافة إلى 27 جثة. التعليق: عمي هذا مو جامع هذا الشعبة الخامسة مال كبل..جثث وغرف تعذيب وسلاسل وحبال..شنو السالفة..خاف الشيخ جان يستعمل وسائل ايضاح حتى يشوف المصلين عذاب يوم القيامة..وعاشت أغصان الزيتون!!!. الاربعاء 20 اب 2008 القناة مشفرة!! الخبر: قال قائد كبير في الجيش الأمريكي انه يتوقع عودة زعماء ميليشيات فروا إلى إيران للحصول على تدريب وعتاد إلى العراق قريبا لمحاولة زعزعة الاستقرار. التعليق: خلي يجون..مية هلة بيهم..قواتنا الأمنية تنتظرهم بفارغ الصبر حتى تصيدهم مثل ما صادت بقية جماعتهم..واذا جانو يرددون فاصل ونواصل..فنكوللهم ديرو بالكم لأن القناة مشفرة!!!. دشداشة زيتوني في البرلمان!! الخبر: كشف اعضاء في البرلمان ان النائب عن جبهة التوافق خلف العليان فاجئ اعضاء مجلس النواب اثناء عملية التصويت على قانون انتخابات مجالس المحافظات بالمناداة بأعلى صوته وامام النواب جميعا: اني اصوت على قانون انتخابات مجالس المحافظات نيابة عن حزب البعث. التعليق: ليش تلومون الرجال..هو هذا أصله وما يريد ينكره..لأن يكولون بس النغل ينكر أصله..والعليان بعثي ومن نغولة التوافق..بس ننصحه لرفيق خلف أن يفصل دشداشة زيتوني ويلبسها بالبرلمان!!!. مفاوضات في ملعب الشعب!! الخبر: انتقد النائب عن كتلة الفضيلة في مجلس النواب باسم شريف الطريقة التي تجرى من خلالها مفاوضات الاتفاقية الامنية. وقال بانها تدار في غرف مقفلة وبشخصيات محدودة من كلا الجانبين. التعليق: لعد شتريد استاد باسم..ينقلون مكان الاجتماعات لملعب الشعب ويكعدون كلمن لبس قاط ورباط مثلك على المدرجات ويخلوه يحشر خشمه بالاتفاقية..على هاي الحسبه ما راح يصير اتفاق منا لبعد 100 سنة ضوئية!!!. دياحة انتخابية في عمان!! الخبر: أعلن رئيس الدائرة الانتخابية في المفوضية العليا للانتخابات القاضي قاسم العبودي أن المفوضية استأجرت كلية في العاصمة الأردنية عمان تضم 1400 موظف من مدخلي البيانات لطباعة سجلات الناخبين، مبرراً اختيار عمان لطباعة وتحديث سجلات الناخبين بأنه جاء لضمان منع أي تدخل سياسي في هذا الموضوع الحساس. التعليق: هذا صدك عذر أقبح من ذنب..شنو تدخل سياسي شنو بطيخ..الظاهر العبودي جان نايم لمن صارت أكثر من أربع انتخابات واستفتاءات بالعراق خلال السنوات الأخيرة..بله لو مشغلين هلـ 1400 موظف من العراقيين العطالة بطالة مو جان قضيتو على نسبة جبيرة من البطالة..بدال ما رايحين تديحون بعمان!!!. لعيون الحدود فتح عيونك!! الخبر: قال محمد الحاج حمود وكيل وزير الخارجية إن العراق شكل مع إيران فرقا للعمل المشترك في سبيل ترسيم الحدود بين البلدين، وسيرسل فرقا للعمل الميداني لتثبيت دعامات الحدود على الأرض. التعليق: بس ما نوصيكم عود..ديرو بالكم من الايرانيين لا يغلسولهم جم كيلو متر ويضموها الهم..خاصة بمناطق الحقول النفطية المشتركة..وخلو علامات واضحة..مو بعدين يكولون مندري وما شفنا الحدود والمطر أخذها..مثل ما صرحو ذيج المرة لمن تدنو على حقولنا!!!. كريم قراطية!! الخبر: كشف وزير الكهرباء كريم وحيد ان ما سماه بـ"بيروقراطية الاجراءات الحدودية" تسببت في اعاقة الوصول الوقود الايراني الى محطات توليد الكهرباء العراقية. التعليق: أنوب هاي جديدة فيكة (البيروقراطية)..لازم شماعاتك القديمة مال الارهاب والشط النفط كامت متصرف..بعدين احنه ما عولنه نفهم معنى (التكنوقراط) ورة أربع سنين من السوالف بيها..هسه أنت طلعتلنه بالبيروقراطية..عمي تره أحنه ما رايدين فد شي مستحيل..هي جم ساعة كهرباء باليوم وأبوك الله يرحمه!!!. تماسيح التربية!! الخبر: وقعت وزارة التربية عقداً مع إحدى الشركات لتجهيزها بـ 9000 جهاز حاسوب مع صيانة لمدة سنة كاملة. التعليق: اذا هاي الحاسبات مثل بقية التجهيزات التعبانة مال وزارة التربية فخلي نقره عليها السلام من هسه..لأن أكو شبكات مال تماسيح بالوزارة فاتحه حلوكها على كل شي..وكل حاجة تجهزها الوزارة تتبدل 100 تبديلة من سيء لأسوأ لحد ما توصل للمدارس..والله اليستر منهم بسالفة الحاسبات..لأن أخاف توصل للطلاب حاسبات مال فلوس أو حاسبات أم الخرز!!!. الثلاثاء 19 اب 2008 البعيد عن العين!! الخبر: قال وكيل وزارة الخارجية للشؤون القانونية والعلاقات متعددة الأطراف إن المملكة العربية السعودية لم تحدد بعد موعدا لافتتاح سفارتها في بغداد، مبدياً استعداد العراق لتقديم كل الدعم والمساعدة لتسهيل افتتاح هذه السفارة. التعليق: لعد شوكت السعوديين يصفون نيتهم ويفتحون سفارتهم..لو همه أصلاً بعدهم ما مفكرين بهلموضوع..والعجيبة أنه أغلب الدول العربية ما فاتحه سفاراتها أبـ بغداد..ورغم هذا يتهمون العراق بأنه بعيد عن محيطه العربي..عمي مو أحنه البعيدين أنتو..والمثل الهندي يـﮕول: البعيد عن العين بعيد عن الـﮕلب!!!. سبحان مغير الأحوال!! الخبر: استنكر الحزب الإسلامي التفجير الانتحاري الذي استهدف عناصر صحوة الأعظمية، داعياً الحكومة لاتخاذ إجراءات سريعة وحازمة من ضمنها ضم عناصر الصحوة إلى الأجهزة الأمنية ومنحهم الاهتمام الكافي نظير ما قدموه من أجل العراق. ووصف الحزب الإسلامي التفجير بانه محاولة يائسة لإجهاض مشروع الصحوات. التعليق: شنو هذا النفاق والدجل..من يمتى وجاي الحزب الاسلامي صار هيجي كلش حنين على الصحوة وكام يدافع عنهم..ليش طارق الهاشمي مو هو أول واحد بالكرة الأرضية حارب الصحوات من جانت بعدها فكرة وجاي تنطرح على الحكومة..يعني هذا التفجير محاولة يائسة تنضاف لمحاولات الحزب الاسلامي اليائسة لمحاربة الصحوة!!!. مو كلها حرية!! الخبر: اتهمت عضو مجلس النواب عن الكتلة الصدرية مها الدوري الحكومة العراقية بالتضييق على الحريات الصحافية في العراق، داعية إلى ضرورة احترام نصوص الدستور التي كفلت للصحافيين العمل بحرية. وشددت الدوري على رفض كتلتها النيابية تعرض الاعلاميين العراقيين لما وصفتها بمظاهر التعسف من الحكومة. التعليق: أكيد محد يقبل باضطهاد السلطة الرابعة..بس رحمة على روح بيبيتج اذا انت هيجي تحبين الحرية ليش ما دافعتي عن المواطنين الي أنتهكت الميليشيات حريتهم وأرواحهم..بدال ما أنت وزميلاتج بالكتلة تدعموهم مادياً ومعنوياً..هي مو كلها حرية..لو هاي حرية وذيج شعلة!!!. صح النوم يا سوداني!! الخبر: أعلن وزير التجارة عبد الفلاح حسن السوداني عن عدم السماح بتجزئة تجهيز المواطنين بمفردات الحصة التموينية، مؤكداً على توزيعها كاملة خلال الشهر. التعليق: هاي أنت غير قديم سيادة الوزير..خايب على حصة كاملة تسولف..ليش هو المواطن صارله جم سنة مستلم فد شهر حصة كاملة..لو جنابك هسه يله تفطنت على هذا الموضوع..بعدين الي جاي يصير بالحصة مو تجزئة..تكدر تسمي بوك أو تغليس حسب أداب الاتكيت..لأن الي المادة الي ما تتوزع بعد ينقري عليها السلام وتصير من الأرشيف!!!. حجله مفخخة!! الخبر: ذكر مصدر في شرطة محافظة نينوى ان انتحاريا بدراجة هوائية فجر نفسه مستهدفا دورية للجيش العراقي شرقي الموصل دون وقوع خسائر. وأضاف أن الجيش العراقي عثر على أشلاء جثة الانتحاري في مكان الحادث. التعليق: شوفو درجة اليأس الي وصلولها الارهابيين..كامو ما يكدرون ينفذون عملياتهم بسيارات مفخخة..ولا يكدرون يزرعون عبوة..أتجهو للبايسكلات..وبعد جم يوم يكومون ينفذون عمليات بواسطة حجلات مفخخة..والحلوة أنه مشعول اللشه بهذا التفجير جان كلش ذكي (بس أكلبوها بكرك)..لأن فجر نفسه وما خدش أي واحد..يعني الخسائر بايسكل وواحد أثول!!!. قدم الموازنة وعجل!! الخبر: صرح مصدر في وزارة المالية ان الوزارة ستقدم الى البرلمان في تشرين الاول المقبل موازنة تخمينية للعام المقبل تتراوح مابين 80 الى 100 مليار دولار. التعليق: المفروض الوزارة تقدم الموازنة من شهر تموز..لأن هم يله يصادق عليها البرلمان بتموز الجاي..مثل ما يشلعون كلوبنه كل سنة ويربطون مصير الناس بالموازنة ويخلوهم دايخين شحجت الموازنة وشكال البرلمان..لحد ما يوازيهم الوكت وهمه بعدهم كلشي ما مسوين ويركضون يصادقون عليها بدون زيادة أو نقصان..وكأنك يابو زيد ما غزيت!!!. الاثنين 18 اب 2008 تبديله نجاد!! الخبر: نفى الرئيس الايراني محمود أحمدي نجاد ما نسب إليه بشأن استعداد بلاده ملء فراغ القوات الأمريكية في العراق بعد انسحابها من العراق، وذلك بعد يوم واحد من نشر جريدة سيراكيوز Seracuse الأمريكية تصريحاً نسبته لنجاد يقول فيه إن على الدول الإقليمية ملء الفراغ الأمني عند انسحاب القوات الأمريكية من العراق. التعليق: عجيبة والله..هو مو هذا نفس التصريح الي صرح بيه نجاد قبل سنة ونقلته كل وسائل الاعلام..شو بوكتها لا نفى ولا خبص نفسه..بس هسه بدل تبديله كشره..ولك نجاد تنفي ما تنفي هذا حجي يفيدك..أنت فد واحد مو راحة وحجيك كله جذب وكلاوات!!!. الهاشمي والقنوات الأوربية!! الخبر: قالت مصادر مطلعة ان القوات الامنية العراقية القت القبض على المتهمة صابرين الجنابي بعد أن وجدت ملقاة في احد المبازل وهي حليقة الراس وعلى جسدها ورأسها العديد من الكدمات مما يظهر انها تعرضت الى محاولة تصفية، وبعد معالجتها واستجوابها اتضح انها كانت مجندة من قبل الحزب الاسلامي لتشويه صورة القوات الامنية وحكومة الوحدة الوطنية مقابل مبالغ كبيرة دفعت لها. التعليق: صدك لو كالو حبل الجذب كصير..يعني الحزب الاسلامي الي حرك الجو بوكت الفلم الهندي مال صابرين..طلع هو المؤلف والمخرج مال الفلم..هاي وحده..وبعد الله اليعلم جم جذبة من جذبات طارق الهاشمي وربعه راح تنكشف..وننصح طروقي اذا عنده هيجي امكانية مال تأليف أفلام غير أخلاقية خلي يتعاقدله ويه قناة من جماعة القمر الأوربي الي بالي بالك!!!. شعارات على الملابس الداخلية!! الخبر: صرح مصدر امني مسؤول إن الأحياء الغربية من بعقوبة شهدت بروز ظاهرة كتابة عبارات التهديد والوعيد على بعض الجدران في الأحياء السكنية والتي تمجد بالتنظيمات الإرهابية. التعليق: خلي يكتبون على الحياطين على ملابسهم الداخلية..المهم قواتنا الأمنية داست على روس الارهابيين..والأوضاع الأمنية جاي تستقر يوم وره يوم..وأصلاً هاي السوالف من علامات الهزيمة والفشل وكلها تنمحي بفرجة صبغ وحدة..مثل ما الارهابيين طارو بين ليلة ويوم!!!. عز الدين خارج نطاق التفكير!! الخبر: انتقد النائب عز الدين الدولة الطلب الذي تقدمت به لجنة الأقاليم بمجلس النواب بإحالة القضايا الخلافية في قانون انتخابات مجالس المحافظات إلى المجلس السياسي للأمن الوطني، مطالباً بحل هذا المجلس. التعليق: الظاهر عزي أفندي ميريد أي قضية خلافية تنحل..ويريد الأمور تبقى معلكة والمشاكل كابه..عيوني بدال ما تصرح وتمضرط على كيفك وتريد تحل وتشكل بكيفك..فكر بحل لهاي الأزمة..هاي اذا جنت تفكر أصلاً!!!. كوكتيل ارهابي!! الخبر: أعلنت قوات الرد السريع العاملة في محافظة واسط أن وحداتها تمكنت من إلقاء القبض على مواطن سعودي يعمل لصالح جهاز المخابرات الإيرانية (إطلاعات) أثناء محاولة تسلله إلى داخل الأراضي العراقية. التعليق: هذا كوكتيل ارهابي..سعودي ومدرب بايران ويريد ينفذ عمليات ارهابية بالعراق..يعني فار عكه ومكه حتى يفجر روحه علينه..حسبالك عنده ثار ويه العراقيين..وبين الدعم الايراني للعراق الي يسولف عنه نجاد!!!.
المطلك ماركة خلق المسجلة!! الخبر: أعرب صالح المطلك رئيس الجبهة العربية للحوار الوطني عن إعتقاده بأن الظرف الحالي غير مناسب لتسليم ملف منظمة خلق الإيرانية للعراق، وأضاف المطلك أن المنظمة بوجودها داخل العراق محمية بالقانون الدولي، وعلى القوات الأميركية أن توفر الحماية لأفرادها. التعليق: كوم أبخت وأكعد أبخت..ومسكين يلماعندك بخت..ومساكين يلعراقيين شكد ما عدكم بخت..لأن لو عدكم جان المطلك دافع عليكم بكد نص ربع دفاعه المستميت عن منظمة خلق الارهابية الي صار ماركة مسجلة باسمها..لأن شوكت ما ينذكر اسمها ينكز المطلك ويدافع عنها..وكأنه ماكو مشاكل بعد بالبلد بس هذوله حتى يحير بيهم ويعوف العراق كله!!!. بخيل وحيد!! الخبر: قال وزير الكهرباء كريم وحيد ان الوزارة بصدد التعاقد مع عدد من الشركات العالمية لبناء محطات كهربائية في مناطق متنوعة من البلاد، فيما اكد ان المدة القليلة المقبلة ستشهد ادخال عدد من المحطات الكهربائية تسهم برفد المنظومة بطاقات اضافية تنعكس ايجابا على تجهيز المواطنين بالطاقة. التعليق: والله يابو حاتم أنت المفروض يسموك (بخيل وحيد) لأن كلش بخيل ويه المواطن بالكهرباء..وكضيتها ويانه كلاوات × كلاوات..وكبل جنت تدور أعذار وهسه تنطي وعود..يعني بين قوسين (بنج)! الاحد 17 اب 2008 نديم طماطة!! الخبر: امتدح أمين عام حزب الفضيلة السابق النائب نديم الجابري ما أسماه بـ ( المقاومة )، وذلك في لقاء مع فضائية هيئة علماء المسلمين. التعليق: هذا نديم مثل الطماطة..على كلشي يرهم..كبل جان من جماعة القاط السفاري الزيتوني وقيادي بحزب البعث..ووره السقوط جنكل ويه الفضيلة..وهسه طابك ويه هيئة علماء المناقين ويتلوك للضاري..متكلي جم وجه عندك!!!.
علاوي لا حظ ولا بخت!! الخبر: قال رئيس القائمة العراقية اياد علاوي ان التحسن الذي طرأ على الأوضاع الأمنية في العراق يعود إلى زيادة عدد القوات الأمريكية ونشر الحواجز الكونكريتية في أرجاء العاصمة بغداد. التعليق: خايب علاوي أنت ليش لا حظ ولا بخت..بشرفك هاي النعمة الأمنية الي عايشتها الناس سببها الصبات..لعد وين راح دور القوات العراقية والعمليات الأمنية..لو هاي الشغلة ما يصرفلك تذكرها..واذا الزود للصبات لعد ليش ما صار استقرار وكت ما جنت أنت رئيس حكومة..مو نص الشوارع سديتها والنص الثاني ترسته صبات..لو الصبات الجديدة عدها خرزة!!!.
نجاد الدجال!! الخبر: قال الرئيس الإيراني احمدي نجاد إن طهران تقف إلى جانـب الشعب العراقي في كافة المجـالات و تعـتبـر كافة أبناء هذا البلد أشقاء للشعب الإيراني وتركز جهودها لإعادة اعمار العراق، داعياً التيارات العراقية المختلفة إلى الحيلولة دون نشاط المجموعات الإرهابية في العراق. التعليق: شوف هذا النجاد شكد دجال وجذاب وكلاوجي..اليسمع تصريحه يكول ايران مسويتها كمرة وربيع بالعراق..ولا حسبالك همه قايمين بالواجب للارهابيين والميليشيات وما مخليهم محتاجين شي لا من سلاح ولا من تدريب..أغا نجاد أنت عليمن تجذب على الناس لو على روحك!!!.
فوتو بزودكم!! الخبر: ذكرت مصادر مطلعة ان هنالك رغبة قوية من قبل الحكومة الكويتية بالغاء ديون العراق، لكن هذه الرغبة تصطدم بحركة بعض النواب من التيارات السلفية المتشددة التي تعارض هذا التوجه بشدة. التعليق: لعد وين جانت هاي الرغبة السلفية لمن جانت الحكومة الكويتية تترس حلك صدام بالفلوس..وليش الحكومة الكويتية تخلي مثل هيجي نماذج طايح حظه يأثرون على العلاقات الطيبة الي يتبعها العراق الجديد ويه الكويت..عمي فوتو بزودكم تره والله عيب عليكم تبقون أخيرة دولة بالعالم ما مسقطه الديون!!!.
ذوله ولد الملحه!! الخبر: قال الناطق باسم وزارة الدفاع العراقية اللواء محمد العسكري إن ضابطاً برتبة نقيب في الجيش العراقي تمكن من تفكيك أكثر من خمسين عبوة ناسفة كانت مزروعة على طريق استراتيجي في محافظة ديالى، مؤكداً أن الضابط هو خبير تطوع بنفسه لتفكيك هذه العبوات بكل شجاعة وبدون تردد وكان يقطع بيديه الأسلاك بأدوات بالكتر وبدون استخدام الأجهزة الحديثة كالروبوت الآلي وكاسحات الألغام. التعليق: عمي يا روبوت يا كاسحة ألغام..ذوله ولد الملحة..ايديهم تسوه ألف كاسحة ألغام..وأهم شي حبهم لوطنهم الي يخليهم يتحدون كل الصعوبات..وشكد فرق بين هذا الظابط البطل وبين الارهابيين الي كامو يشردون بهدوم النسوان!!!.
التوافق والفار والبزون!! الخبر: شكك الناطق باسم جبهة التوافق سليم الجبوري بالعمليات الجارية في ديالى واصفاً إياها بأنها تفتقر للمركزية في القيادة وإدارة العمليات معربا عن قلقه من عدم تحقيق الطموحات المرسومة لهذه العمليات. التعليق: أي عيني طبعاً لازم يشكك سليم أفندي..ومو بس يشكك بالعمليات..يشكك هودمه همين..لأن الارهاب راح يندحر بديالى وربعه الارهابيين يديحون..ومو جديدة على التوافق..لأن همه والأمن عداوة الفار والبزون!!!. السبت 16 اب 2008 نصائح بابا الدليمي !! الخبر : قال رئيس جبهة التوافق عدنان الدليمي ان على الكتل السياسية أن تتوافق فيما بينها لحل قضية كركوك وصولا إلى حل القضايا الأخرى لان بقاء الأمور على ما هي عليه الآن لا يخدم أي جهة من الجهات. التعليق : الله الله عالاخلاق والنصائح والمواعظ ، شنو هالكليب الحنين وشنو هالطيبة ، والسيارات المفخخة اللي لكوهة ابيتك هم علمود حل القضايا العالقة لو ذيج لنسف القضايا العالقة !!!
تسييس وتشييش !! الخبر : قال الناطق باسم جبهة التوافق سليم الجبوري اننا نخشى تسييس العمليات الامنية في محافظة ديالى ، واضاف ان العمليات التي جرت اقتصرت على بعض الاعتقالات والتي تمثل أهداف نوعية دون حدوث أي مواجهات عسكرية تذكر. التعليق : ادري من صارت مواجهات بالبصرة كلتوا الجيش دموي ، اعتقلوا بهدوء كلتوا اشو ماكو مواجهات ، وبعدين يا تسييس بروح ابوك شنو حضرتك نسيت الابرياء اللي انعلسوا بديالى ظلم لو لا ، بلله بدون تسييس ولا تشييش !!!
مشعان يفوز بالاجماع !! الخبر : قال ضامن عليوي المطلك عضو مجلس محافظة صلاح الدين إن المجلس بصدد إرسال مذكرة الى الحكومة ومجلس النواب يطالب فيها بإعادة الحصانة إلى مشعان الجبوري وشموله بقانون العفو العام الاخير . التعليق : والنعم منكم مجلس صلاح الدين ، وجمالة تريدون ترجعولة الحصانة ، يعني حضرتكم متقبلون يرجع مواطن عادي تريدوا بمجلس النواب كبل ، ميخالف عمي راح نسوي انتخابات مجلس نواب القتلة والحرامية واكيد يفوز بالاجماع !!! ارحموا سجين قوم ذل !! الخبر : أعرب طارق الهاشمي عن أمله في أن تطلق الكويت سراح المتبقي من المعتقلين العراقيين الموجودين في سجونها. وذلك في رسالة شكر وجهها الى دولة الكويت لاطلاق سراح مجموعة من المعتقلين العراقيين هناك . التعليق : لو بس افتهم شنو قضيتك وية السجون جان ارتاحيت ، عمي كللنه منو صاحبك العزيز اللي مسجون حتى نطلعة الك لان زرت السجون بالعراق ومشبعت وهسة تشكر الكويت وتريد بعد ورافع شعار ( ارحموا سجين قوم ذل ) !!!
الجهاد المدبلج !! الخبر : كشفت تقرير امني اخيرعن ان التفجير الذي استهدف المحافظ وقائد عمليات ديالى قبل ايام نفذته فتاة تبلغ من العمر 15 عاماً فقط . التعليق : شمدريهة البنية تلكاهة سودة وتلعب النفس وكللولهة تصيرين حورية بالجنة وتزوجين مهند بطل مسلسل نور وهي مصدكت كبل عالحزام وفجرت نفسهة ،اني سامع بالجهاد المقدس بس ما سامع بالجهاد المدبلج !!!
ابو القاط مينطي واط !! الخبر : كشف وزير الكهرباء كريم وحيد ، ان الوفد العراقي الذي زار طهران مؤخرا، وقع اتفاقية مع ايران تقضي بتزويد العراق بـ4500 ميغا واط، مبينا ان الاجراءات الحدودية تسببت في اعاقة الوصول الوقود الايراني الى محطات توليد الكهرباء العراقية. التعليق : اكيد هالمرة صدك مو قبل فترة كلتوا حتى الاعمدة نصبناهة وطلع كلشي ماكو، لو حضرتك تجيب الكهرباء سفري من الدول بعلاكة نايلون ، صدك لو كال ابو المثل ( لابس القاط وميكدر ينطي واط ) !!!
مشعولة صفحتوا !! الخبر : صرح السيد عامر عبد الجبار وزير النقل بأن الكادر الهندسي التابع للشركة العامة للسكك الحديد قد قام بصيانة وتأهيل عربات القطار الرئاسية التابعة للمجرم صدام، وسوف تقوم الشركة بإدخالها إلى الخدمة قريبا ضمن الخدمة. التعليق : ظهرالحق ياصدام يخوتك صارن للشعب وقطاراتك وقصورك اللي جان محد يكدر يباوع عليهن ، لان اللي يلمسهن تكص ايدو واللي يباوع عليهن تشلع عينو واللي يتقرب منهن تكسر رجلو ، وشنو تاليتك اكو غير ( مشعولة صفحتو ) !!! الجمعة 15اب 2008
كشكول الجمعة
حدث
الأسبوع/
سجل العاهل الأردني
الملك عبد الله الثاني اسمه في سجلات التاريخ العراقية، بعد أن أصبح أول زعيم
عربي يزور العاصمة بغداد منذ سقوط النظام الصدامي، زيارة نأمل أن تكون فاتحة
خير لبقية الأشقاء وأن تتبعها زيارات أخرى من قبل الرؤوساء والزعماء العرب
الذين يتوجب عليهم أن ( ينطون الأذن الطرشه) لكل الأصوات التي تحاول أن تبعدهم
عن بغداد. فعلها عبد الله وكسب احترام العراقيين، فمن يا ترى سيفعلها بعده؟،
نحن بالانتظار والجواب سيكون في المطار!.
فلم
الجمعة/
من أخر أفلام السيد
نائب رئيس الجمهورية طارق الهاشمي هو الفلم الذي نشرت تفاصيله صحيفة الشرق
الأوسط حول تعرض نساء سجينات في سجن الكاظمية إلى التعذيب والاعتقال من دون تهم
تنسب اليهن، بحسب معلومات من مكتب الهاشمي. ويبدوا ان طروقي يهوى اخراج الأفلام
التي تتعلق بالسجون والمعتقلين لأسباب نفسية وعقد تاريخية!.
أبيض وأسود/
أبيض:
وصف الرئيس الايراني
احمدي نجاد العـلاقـات
بيـن العراق وإيران بـ (التاريخية)، وان ايران تركز كافة
الجهود لاعمار العراق وخدمة العراقيين
وحل مشاكلهم،
مشيراً الى ان طهران تقف
الي جانـب
الشعب العراقي
في كافة
المجـالات و
تعـتبـر كافة ابناء
هذا البلد اشقاء للشعب الايراني.كما دعا
نجاد التيارات العراقية المختلفة الي
الحيلولة دون
نشاط المجموعات
الارهابية في
العراق.
أسود:
أعلنت قوات
التحالف اعتقال مقدم تسهيلات مالية للجماعات الخاصة المرتبطة بإيران تلقى
تدريبات في إيران، مشيرة في بيان لها أنها اعتقلت أيضا خمسة من مساعديه. وأوضح
البيان أنه تم التعرف على المعتقل كونه مسؤولا عن توزيع مواد إيرانية مميتة
بواسطة شبكات المجاميع الخاصة في منطقتي الشعلة والغزالية شمال غربي بغداد!.
بالباكيت/
نصبت القوات
الأمريكية نفسها قاضياً وراحت تطلق سراح المعتقلين في السجون العراقية كما
تشاء، حيث قامت مؤخراً باطلاق سراح الارهابي أحمد زكي الجنابي من أحد مراكز
الشرطة في الحلة على الرغم من الجنابي متهم بقتل مدنيين وأفراد شرطة. وقد عبر
أهالي الحلة عن استيائهم من هذا التصرف، فيما أوقف مجلس محافظة بابل كافة
تعاملاته مع القوات الأمريكية استنكاراً لهذا العمل.
يقال/
يقال والعهدة على
صحيفة الغارديان إن الدول العربية وعلى الأخص السعودية تواجه ضغطاً أمريكياً من
اجل إلغاء ديونها على العراق وإرسال مبعوثيها إلى بغداد، وفي الوقت نفسه تواجه
ضغطاً داخلياً من المتشددين من أجل عدم التعاون الدبلوماسي مع العراق. (وما بين
حانه ومانه ضاعت لحية ملك السعودية..ومن طيح الله حظه وحظ لحيته المسلمها بيد
شيوخ الارهاب)!.
صدق
و لا تصدق/
صدق ان حزب الفضيلة
يسعى الى تكوين تجمع برلماني ربما يتحول في مرحلة لاحقة الى كتلة سياسية تضم
عددا من الأطراف الفاعلة على الساحة السياسية العراقية بحسب وصف النائب محمد
كاظم الحميداوي .. ولا تصدق ان هذا التجمع الموعود سيضم غير كبار الفاشلين
برلمانياً، هذا اذا ما رآى النور أصلاً!.
عجيب أمور غريب قضية/
على الرغم من مرور
أكثر من شهرين على اصدار قرار إخلاء المباني التابعة للدولة والمستغلة من قبل
الأحزاب والتيارات السياسية، الا ان الأجهزة الأمنية في محافظة ذي قار أخفقت في
تنفيذ القرار واخلاء مبناً واحد وتحريره من الأحزاب المسيطرة عليه وكأنه (ورث
الخلفوهم)!.
100بل 100 /
على الرغم من انكار
القوات البريطانية والمسؤولين البريطانيين ومحاولتهم التهرب من التهمة، الا ان
صحيفة التايمز البريطانية أعترفت بوجود تعاون كبير بين القوات البريطانية
والميليشيات في البصرة اثناء عملية صولة الفرسان.(واذا طلع شاهدك من بيتك ...
)!.
تدرون لو ما تدرون؟/
تدرون لو ما تدرون
أنه الحكومة الكويتية جاي تشخبط؟. فقد طالبت الحكومة الكويتية العراق بتسديد
ديون لها و دفع فوائد الديون المتراكمة والتي تصل الى حد 16
مليار دولار، كانت الكويت قد قدمتها الى نظام صدام على شكل قروض اثناء الحرب
العراقية الايرانية.
واي
واي/
أخر شطحات النائب
محمود عثمان هو اعتباره أن ارسال قوات عراقیة من بغداد ومحافظات الجنوب إلى کرکوك
بمثابة عملیة تعریب كتلك التي قام بها صدام، ناسياً أو متناسياً ان كركوك جزء
من العراق وبالتالي فان من الطبيعي أن يكون فيها جيش عراقي، أم ان عثمان يفضل
حمايتها من قبل ميليشيات البيشمركه الكردية؟!.
سري وشخصي/
اکدت مصادر إعلامية مطلعة إن رئيس إقليم كردستان مسعود برزانی
توجه إلى النمسا لمتابعة القضیة الخاصة بولده مسرور والتی ینظر فیها القضاء
النمساوی بأمر یتعلق بمحاولة اغتیال تعرض لها الكاتب الكردي الأصل کمال سید
قادر بعد أن کانت السلطات النمساویة قد ألقت القبض فی وقت سابق على مسرور
بارزانی لإصداره أمراً إلى مرافقیه بإطلاق النار على سید قادر وأطلق سراحه
بكفالة مالیة.
من
هو؟/
أنه (درج) ولكن لا
يصعد عليه الناس..ترقبته العيون وحبس الأنفاس..لم تدم الفرحة به طويلاً..وعاد
الموظفون ليضربوا بسببه أخماس بأسداس..جماعة منهم تلعن حظها العاثر وأخرى تندعي
على وزير المالية يم العباس؟!!!.
ماهو هذا الشيء؟
ج/ سلم الرواتب طيب
الذكر!
المحطة الأخيرة/
وكيل وزارة الشباب
والرياضة ينفي وجود بطالة بين الشباب العراقي ويؤكد استقدام عمال من جنسيات
مختلفة للعمل في العراق.
( اذا اليحجي مخبل
فاليسمع عاقل )!.
الخميس 14 اب 2008
النجيفي الأعور!!
الخبر:
استبعد عضو
مجلس النواب عن الكتلة العراقية أسامة النجيفي جدية الحكومة في تحقيق المصالحة
الوطنية قائلا إن الحكومة غير جادة برفض الفساد والتسلط وهناك تهميش وعدم
استجابة للقوى خارج العملية السياسية، والحكومة غير قادرة وليست مؤهلة
للمصالحة، ولا تستطيع التقدم بهذا الاتجاه.
التعليق:
الظاهر هذا
النجيفي أعور..لأن ما جاي يشوف الأمور زين..بله بويه متفهمنه شنو نوع التهميش
وعن ياقوى خارج العملية السياسية تسولف..شو هي التوافق جانت أكبر كتلة خارج
العملية السياسية ورجعت للحكومة..وحتى ويه البعثية صارت مصالحة وأنلغى قانون
اجتثاث البعث..أما جنابكم فأكثر من مليون مرة أنفتحت وياكم قنوات اتصال حتى
ترجعون وأنتو معاندين وداكين أنكر وما تقبلون..بعد متكلي شيسوولكم!!!.
صارت قديمة!!
الخبر:
اتهم النائب
عن جبهة التوافق رشيد العزاوي مكتب رئيس الوزراء بعدم فهم أهمية تشكيل هيئة
المساءلة والعدالة من اجل العمل على إفراز جميع المشمولين بهذا القانون.
التعليق:
لا على أساس
بس حضرة جنابك تفتهم ومسوي روحك عارفه..الناس جاي تشتغل وأنت نايم ورجليك
بالشمس ومن فزيت كمت تدور سوالف عتك حتى تبين روحك موجود..بعدين هاي السوالف
مال التوافق صارت معروفة..الهاشمي يلزم شاربه للمعتقلين وأنت تدك صدر للبعثيين..لأن
جايتكم انتخابات وبديتو تجدون الأصوات!!!.
وزير الكهرباء الزنكلوني!!
الخبر:
قال وزير
الكهرباء إن العراق مقبل على قفزة كبيرة في قطاع الكهرباء بعد أن أبرم اتفاقيات
مع شركات ألمانية وأمريكية لتزويده بحوالي 6200 ميغا واط. مشيراً إلى أن العراق
سيكون في المستقبل القريب مكتفياً بالكهرباء، بل سيكون من أكثر دول المنطقة
إنتاجاً للطاقة.
التعليق:
آخ آخ آخ..يمعود
على كيفك ويانه من تهمبل..لا تكبلها بينه..هو المواطن ما لاكيله ساعتين كهرباء
وطنية طبك والسيد الوزير يكول ( سـ ) نكون أكثر دول المنطقة انتاجاً
للكهرباء..وهي العله بالـ ( سـ ) و ( سوف ) و ( قريباً ) وغيرها من أدوات
الجذب..كافي عاد بطل جذب..مو الجملة الشهيرة مال مسلسل الزنكلوني كامت تنطبق
عليك (نفسي أسدئك يا زنكلوني)!!!.
أوووف من الـ 136!!
الخبر:
أكدت عضو لجنة
النزاهة في مجلس النواب عالية نصيف استشراء الفساد في مؤسسات الدولة، وعزت
أسباب ذلك إلى ما وصفتها بالإجراءات الرسمية الروتينية للحدِّ من الفساد المالي
والإداري مثل عدم محاسبة المسؤولين في الوزارات حسب المادة 136 إلا بعد موافقة
الوزير.
التعليق:
شوفولكم حل
للمادة 136الي هي ساس البله..لأن أي وزير ما يقبل يحاسبون حرامية
وزارته..والسبب أنه أغلبهم من الحاشية..واذا ما صارت وطلبو استجواب واحد رأساً
صاح الوزير وعاطتت كتلته (مستهدفينا سياسياً)..وخليهم يبوكون مادام خالهم
موجود!!!.
وزارة الإسكان والأفلام
المصرية!!
الخبر:
كشفت دراسة عن
التخطيط الإسكاني في العراق إن هناك عجزاً بالسكن يقدر بأكثر من ثلاثة ملايين
وحدة سكنية.
التعليق:
لازم وزارة
الاعمار والاسكان تخلي خطط حتى تعالج هاي المشكلة قبل لا تستفحل وتصير ظاهرة
تذكرنه بظاهرة (أزمة السكن) الي ثبرتنه بيها الأفلام المصرية بالثمانينات..وديرو
بالكم على المواطنين بسلف العقاري وشويه بحبحوها حتى الناس تبني..مو تحطون ألف
عثرة كدامهم!!!.
سبحان مغير الأحوال!!
الخبر:
أعلن نائب
رئيس المجلس البلدي لمدينة السماوة وعضو مجلس محافظة المثنى سعد عزيز جبار عن
تشكيل عدد من اللجان بالتعاون مع وزارة العمل والشؤون الاجتماعية لإعادة النظر
في ملفات المشطوبين من برنامج شبكة الحماية الاجتماعية في المحافظة.
التعليق:
أشتغلت رحمة
الله..راح ترجعون 999 أسمن من الألف أسم الشطبتوهم قبل شهرين..أنتو بوكتها
صرحتو وكلتو أنه أحنه دققنه وطلعو ذوله ما مستحقين وأكو بيهم أسماء وهمية..بعد
شنو الي تغير هسه..لو عوزتو جم فلس ورجعو على بير اللغف هذا!!!.
عوفو الوزارة وسرحو
بالصخول!!
الخبر:
انتقد المعاون
الفني لمجلس محافظة ذي قار وزارة الزراعة لمحاولتها لملمة موضوع الهلاكات التي
تتعرض لها قطعان الجاموس في مناطق الاهوار الوسطى في مدينة الجبايش بعد الإدلاء
بأكثر من تصريح حول عدم وجود حالات النفوق التي تتعرض لها قطعان الجاموس في
الاهوار، مشيراً إلى افتقار المراكز الصحية البيطرية في قضاء الجبايش إلى
العلاجات واللقاحات حيث إن المستوصفات البيطرية في مركز قضاء الجبايش أو في
الحمّار أو في الفهود تفتقر إلى ابسط الخدمات والى ابسط العلاجات واللقاحات
والأدوية.
التعليق:
الله يساعدنا
على هاي المهزلة..لا البشر مرتاحين من المستشفيات البشر ولا مستشفيات الحيوانات
براسها حظ..هسه هنه جم جاموسة ماكدرتو تسيطرون على حالتهن وبسرعة كمتو
تجذبون..لعد شلون تقودون وزارة..لو بيدي باثنين صخول ما سرحكم..مو أسلمكم
وزارة!!!.
الاربعاء 13 اب 2008 أخوة يوسف!! الخبر: ذكرت صحيفة الغارديان إن واشنطن تضغط على حلفائها من الدول العربية وعلى الأخص السعودية من اجل إلغاء ديونها على العراق وإرسال مبعوثيها إلى بغداد. التعليق: والله عيب على الدول العربية..يعني الا الغربه تتدخل بيناتنه يله يجرون عدل..لعد ذوله شلون أشقاء..سالفتهم سالفة أخوة يوسف!!!. أنعل أبو هيج خلفه!! الخبر: اکدت مصادر إعلامية مطلعة إن رئيس إقليم كردستان مسعود برزانی توجه إلى النمسا لمتابعة القضیة الخاصة بولده مسرور والتی ینظر فیها القضاء النمساوی بأمر یتعلق بمحاولة اغتیال تعرض لها الكاتب الكردي الأصل کمال سید قادر بعد أن کانت السلطات النمساویة قد ألقت القبض فی وقت سابق على مسرور بارزانی لإصداره أمراً إلى مرافقیه بإطلاق النار على سید قادر وأطلق سراحه بكفالة مالیة. التعليق: أكول كاكه مسعود طلع سكتاوي ومحد يدري بيه وين رايح..خطيه الرجال طلع رايح يلملم المكسوره المسويها ابنه مسرور..الي اذا جلب القضاء النمساوي بياخته راح يحوله من مسرور الى حزين..لأن رايح هناك صاير شقي حسباله هم مثل كردستان..مسيطر عليها السيد الوالد والعشيرة ومحد يكدر يكله على عينك حاجب!!!.
بطل هاي الدوالغ طروقي!! الخبر: نفت وزارة العدل التقرير الذي نشرته صحيفة الشرق الأوسط حول تعرض نساء سجينات في سجن الكاظمية إلى التعذيب والاعتقال من دون تهم تنسب اليهن. وقد اعتمد الكاتب على معلومات وصور قدمها مكتب طارق الهاشمي بهذا الخصوص. للتعليق: شنو السالفة طروقي..يعني ماتجوز من سوالفك العتك..يوميه طالع بدالغه شكل على السجون..مره تكول خطيه أكو معتقلين مظلومين لأن ما ما كاتلين أكثر من عشرة..وهسه داحس روحك بين النسوان وتفيك عليهن وتلزم شاربك كدامهن وتكول راح أطلعجن..عيب عليك هاي السوالف..شكبرك تصير!!!.
مجالس محافظات أم مجالس شقاوات!! الخبر: قال قائد شرطة محافظة ديالى المقال اللواء الركن غانم القريشي إن قرار مجلس المحافظة إقالته من منصبه جاء على خلفية قيامه بسحب عناصر حماياتهم بسبب تجاوز العدد القانوني المقرر، واصفاً أعضاء المجلس باللصوص. التعليق: يعني على هلحسبه طلعو أعضاء مجلس المحافظة أهم شي عدهم روحهم والمواطنين درجة ثانية..اذا هاي بس أنسحبت منهم الحمايات الزايده طردو مدير الشرطة..لعد اذا طردوهم شيسوون..عمي هله هله بالرجال..شيسويلكم اذا كل واحد حاطل فوج حماية لنفسه..ووين دور وزارة الداخلية اذا مجالس المحافظات تشيل وتحط بكيفها!!!. تحقيق عاجل!! الخبر: عثرت القوات المشتركة أثناء حملة مداهمات قامت بها على 3 دبابات عسكرية و3 همر رباعية الدفع مخبأة في منطقة غابات كنعان غرب محافظة ديالى. التعليق: لازم ينفتح تحقيق بهذا الموضوع وما يمر مرور الكرام..حتى ينعرف مصدر هاي الدبابات والهمرات منين اجت ومنو جابها..وليش وزارة الدفاع ما بلغت عن اختفائهن..و و و كومة أسئلة لاخ تحير!!!. من فوائد الاتفاقية!! الخبر: أوقف مجلس محافظة بابل تعامله مع القوات الأميركية بسبب إطلاقها سراح أحد المعتقلين العراقيين من مركز للشرطة شمال مدينة الحلة قبل يومين. وأصدر المجلس بيانا شديد اللهجة قال فيه إن المعتقل ويدعى أحمد زكي الجنابي الذي أطلقت القوات الأميركية سراحه كانت تلك القوات قد اعتقلته قبل أكثر من عامين وسلمته حينها لقوات العقرب لتورطه بقتل مدنيين وأفراد قوات الأمن العراقية. التعليق: هاي شنو عيني..شو جاي تلعبون حيه ودرج..مرة تعتقلون وبعدين تطلعون بكيفكم..وماعندكم لا صداد ولا رداد..بس بله هذا لو جارح جندي أمريكي جان هم تيهتو..لو كتل العراقيين والشرطة العراقية مو جريمة من وجهة نظركم..لعد ليش يكلك الاتفاقية تفيد!!!. الوكيل الشافط!! الخبر: نفى وكيل وزارة الشباب والرياضة لشؤون الشباب عباس الشمري وجود بطالة حقيقية بين الشباب العراقي مؤكدا أن العراق يستقدم ألان عمال بنغاليين ومن جنسيات أخرى، وقال الشمري إن وجود بطالة كبيرة في صفوف الخريجين أكثر من غيرهم تأتي بسبب تخوفهم من اقتحام سوق العمل في العراق لأسباب نفسية. التعليق: هذا وكيل الوزير لو سكران لو شارب نفط لو عقله شافط وخارج نطاق التغطية..لأن اذا صاحي ميحجي هيجي حجي ويكول ماكو بطاله والعراق يستورد عمال من الخارج..أما الأسباب النفسية الي يتهم بيها الخريجين فهي طبيعية..لأن أي شاب حامل شهادة يخجل يشتغل كناس شوارع بأجرة يومية أو يحط فلينته على جتفه ويفتر يبيع بيبسي بالازدحامات!! الثلاثاء 12 اب 2008 أول الغيث عبد الله!! الخبر: زار العاهل الاردني الملك عبد الله الثاني العاصمة بغداد، في أول زيارة لزعيم عربي إلى العراق منذ عام 2003. والتقى عبد الله خلال الزيارة برئيس الوزراء نوري المالكي ونائب رئيس الجمهورية عادل عبد المهدي. التعليق: هاي خطوة أولى من العرب ونريد بعد مبادرات من الرؤساء والزعماء العرب..خلي يجون لبغداد ويصيرون سباع ولا يخافون..تره الأوضاع الأمنية عال العال..وهذا مو الملك عبد الله اجه ورجع بالسلامة..نريد زيارة الملك الأردني تكون أول الغيث..وتتبعها زيارات عربية..ويكولون أول الغيث قطرة..واحنه نكول أول الغيث عبد الله!!!. وشهد شاهد من أهلها!! الخبر: اعترفت صحيفة التايمز البريطانية بوجود تعاون كبير بين القوات البريطانية والميليشيات في البصرة اثناء صولة الفرسان. التعليق: ها يابه أبو ناجي..يعني كل الحجي السمعناه طلع صحيح وكلش أوكي..الربع جانو نايمين بالبصرة ومتفقين ويه الميليشيات يخلوهم على راحتهم بس كون لا يتحرشون بيهم..خوب هسه هاي المعلومات مو احنه الكلناهة..هاي جريدتكم تأكدها..وشهد شاهد من أهلها!!!. تصفيط اعلامي!! الخبر: أكد النائب عن حزب الفضيلة محمد كاظم الحميداوي أن حزب الفضيلة يسعى الى تكوين تجمع برلماني ربما يتحول في مرحلة لاحقة الى كتلة سياسية تضم عددا من الأطراف الفاعلة على الساحة السياسية العراقية. التعليق: عمي كام ما ينعرف الصدك من الجذب هلكد ما تجمعات وتكتلات وتحالفات تنعلن يوميه بوسائل الاعلام بس على أرض الواقع كلشي ماكو وكلاوات بكلاوات..وحزب الفضيلة استاد بهاي الفيكات..لأن لو نسوي احصائية على عدد المرات الي صرحو بيها بتشكيل تجمع برلماني جان طلع العدد أكثر من براميل النفط الي باكوها وهربوها!!!. وزير صحة لو مطهرجي!! الخبر: ألقت قوات شرطة الأنبار القبض على وزير الصحة في تنظيم ما يعرف بـ (دولة العراق الإسلامية) الارهابي، المدعو عماد ناصع أمين عند عودته من سوريا في منطقة الرطبة. التعليق: الأخ حسباله فلت من قواتنا الأمنية لمن شرد لسوريا..وهسه رجع على أساس محد يعرفه..عمي غير زملائك الوزراء كلهم انكضو..ودولتك داسوها بالرجلين..بس منعرف السيد الوزير دكتور لو مضمد لو مطهرجي لو يا مؤهل عنده حتى يستلم وزارة الصحة..بس يجوز تكنوقراط وعنده خبرة بكتل الناس فسلمو هاي الحقيبة الوزارية!!!. قائد شرطة الفلوجة وأزمة دارفور!! الخبر: اعلنت مصادر في قيادة شرطة الانبار عن صدور امر بنقل قائد شرطة الفلوجة العقيد فيصل الزوبعي الى مقر قيادة شرطة الانبار. واضاف المصدر ان الزوبعي سيعمل في مقر قيادة شرطة الانبار وتفرغه للعمل فيها وقطع علاقتة مع قيادة شرطة الفلوجة. التعليق: والله خبصونا بقائد الشرطة هذا..يوميه منقول وراجع..وناس تستنكر نقله وناس تطالب بنقله..والحزب الاسلامي والصحوة مكافش من الروس من وراه..هسه كون قضيته انحلت..لأن الظاهر مشكلة مستعصية مثل مشكلة فلسطين ودارفور ودار دور!!!. الحزب العاصي الديمقراطي!! الخبر: أخفقت الأجهزة الأمنية في محافظة ذي قار بتنفيذ قرارها القاضي بإخلاء المباني التابعة للدولة والمستغلة من قبل الأحزاب والتيارات السياسية. التعليق: هسه ميخالف أخفقت..بس نريد نعرف شنو سبب الاخفاق وليش ما اتطبق هذا القرار الصادر صارله اكثر من شهرين..والعله يم الأجهزة الأمنية لو الأحزاب عاصية وما تقبل تطلع ومحد يكدر يكوللها على عينج حاجب!!!.
نأسف لازعاجكم عن اللغف!! الخبر: طالبت اللجنة المكلفة بمتابعة المستشفيات والمراكز الصحية في مجلس محافظة البصرة بإغلاق جميع مستشفيات المدينة، وقال عضو اللجنة عقيل طالب الفريجي إن المستشفيات الموجودة في محافظة البصرة لا تصلح أن تكون حتى كمأوى للحيوانات. التعليق: ما شاء الله..لعد الواقع الصحي شكد متطور بالبصرة اذا كل المستشفيات تعبانه..لا ويكلك حتى عيادات بيطرية هم ماترهم تصير..لأن حتى الزمايل والهوايش تستنكف تتعالج بيها..عيوني رحمة لوالديكم طلعو فد جم دفتر من الدولارات المليونية المرصودة لاعمار المحافظة وصلحو بيها المستشفيات..ونأسف لازعاجكم عن اللغف!!!. الاثنين 11 اب 2008 اتقوا الله ياكويتيون !! الخبر : طالبت دولة الكويت بضرورة تسديد ديون العراق لها او دفع فوائد الديون المتراكمة.وقدر وزير الخارجية الكويتي محمد الصباح هذه الديون بحدود 16 مليار دولار قدمت الى نظام صدام على شكل قروض اثناء الحرب العراقية الايرانية . التعليق : شنو قصتكم الكويتيين هو كوة اتفاهمنا على ديون احتلال الكويت و حرك ابار النفط ،انوب طلعتولنة 16 مليار قرضة لصدام علمود تستمر الحرب العراقية الايرانية ، شنو جنتو نايمين وهسة اتذكرتوا ،اتقوا الله ياكويتون !!!
دعم ابو الراسين !! الخبر : اعلنت طهران استعدادها لتقديم الدعم الشامل لحكومة المالكي لمكافحة الارهاب، مجددة دعمها لاستقرار العراق ووحدته الوطنية ومؤكدتا على اهمية ذلك بالنسبة لها . التعليق : شنو هذا دعم ابو الراسين ،اول مرة وكفوا المدفعية اللي سابية القرى الحدودية العراقية وبعدين كافحوا الارهاب ولو ممحتاجين أي دعم منكم لان قواتنا بيهة البركة مسوية اللي عليهة وزايد !!!
حجيك خرط عثمان !! الخبر : إعتبر النائب العراقی الکردی محمود عثمان أن ارسال قوات عراقیة من بغداد ومحافظات الجنوب إلى کرکوک عملیة تعریب مثلما قام به صدام حسین. التعليق : والله حجيك خرط عثمان ،يعني قوات امنية رايحة بواجب وترجع بعدين مثل عملية التعريب مال صدام من جاب عوائل وسكنهة للابد بكركوك ،وبعدين حضرتك من تريد البيشمركة تلعب بكيفهة بكركوك احنة منكول عملية تكريد مو صحيح !!!
فيدرالي تالي وكت !! الخبر : أعلن النائب وائل عبد اللطيف عن إطلاق حملة لجمع تواقيع آلاف المواطنين للمطالبة بتطبيق الفدرالية في مدينة البصرة من خلال جعلها إقليماً فدرالياً. التعليق : يابة هي لو بالتواقيع جان العالم اتقسم مليار دويلة فيدرالية ،عمي سيادة النائب المستقل هاي قضية دستورية وبيهة نقاش وموافقة ورفض وشغلتهة بالاتفاق ،فابقة مستقل احسنلك ولاتصير فيدرالي مال تالي وكت !!!
بيضة ناسفة !! الخبر : اكدت القوات الامنية في ديالى ان قوة من قيادة عمليات بشائر الخير عثرت في المنطقة، على حقل دواجن مفخخ يحتوي على خمس عبوات ناسفة، و100 حاوية فيها مواد سامة، و45 لترا من مواد شديدة الانفجار، بالاضافة الى معمل لتصنيع العبوات الناسفة". التعليق : عفية بالمجاهدين تالي شيباتكم كمتوا تعتمدون عالديج والدجاجة بالجهاد ، يمكن بالايام الجاية نسمع بالاخبار فجرت دجاجة نفسها على رتل عسكري او انفجرت بيضة ناسفة على دورية للشرطة .... والله خزي !!!
كاميرا خفية نوابية !! الخبر : قال رئيس ديوان مجلس النواب، ان ما جرى امس هو احتفال بمناسبة إنجاز وزارة الإعمار والإسكان المراحل الرئيسية لمشروع تهيئة بناية مجلس النواب الجديد وليس إفتتاح مبنى مجلس النواب. التعليق : شنو القضية اشو البارحة صرحتوا انتقال واليوم صار احتفال شنو هاي برنامج الكاميرا الخفية النوابية ،عمي اذا تخافون من الحسد خلوا بالباب سبع عيون وخطيتكم بركبتي كل شي ميصير !!!
مسلح مجدي !! الخبر : تراجعت ظاهرة تحصيل الأموال التي كانت تجنيها الجماعات المسلحة والميليشيات من الاهالي والتجار والتي تعرف لدى العراقيين بـالاتاوات مع تحسن الوضع الامني في بغداد . التعليق : وداعتكم شوية شوية كلشي ينتهي وللابد ، لان هسة اذا واحد يكول اريد مبلغ خاوة المواطن يضحك علي ويكللة الله ينطيك لان عنوانهم الوضيفي هسة ( مسلح مجدي ) !!!
الاحد 10 اب 2008 عتاب حق يراد به باطل !! الخبر : أبدى النائب عن حزب الفضيلة محمد كاظم الحميداوي استغرابه من موقف رئيس الوزراء نوري المالكي إزاء قضية كركوك، والذي يتعين عليه أن يكون فيها لاعبا أساسيا، على حد قوله. التعليق : لا لاعب اساسي ولا احتياط هو مجلس النواب متكفل بالقضية ويريد يحلهه دستوريا ،بس انته ليش متعتب عالرئيس اللي هو كردي لو عتابك بي قصد خبيث وعتاب حق يراد به باطل !!!
مقر شمرة عصا !! الخبر : سيتم في الساعات القليلة المقبلة افتتاح مبنى مجلس النواب الجديد في منطقة العلاوي وسط العاصمة بدلا من مقره القديم في المنطقة الخضراء المحصنة ببغداد بحضور عدد من المسؤولين الحكوميين . التعليق : بالخير والبركة وقدم خير ان شاء الله والعلاوي مو بعيدة يعني عيب بعد الغياب يا ممثلي الشعب عن الجلسات ،لاطرق مسدودة ولا التفتيش طول راح يصير مقركم شمرة عصا فالتزموا وصيروا حبابين !!!
اسطول طائرات وزاري !! الخبر : اعلنت السفارة العراقية في القاهرة قرار رئيس الوزراء نوري المالكي بنقل العراقيين الراغبين بالعودة الى ارض الوطن مجانا وبطائرته الخاصة ان هناك طائرة اسبوعية ستتولى عملية بالنقل من مصر الى العراق .
التعليق : مبادرة حلوة ونتمنى كل المهاجرين يعودون مو بس من مصر من كل انحاء العالم ولو ينراد للسيد المالكي بهيجي حالة اسطول طائرات لان عدد العراقيين بالخارج لايعد ولايحصى !!!
اسكافي مختلس !! الخبر : اعلنت الحكومة العراقية استعدادها لادارة مفاوضات انهاء برنامج النفط مقابل الغذاء لإنهاء القضايا العالقة بالبرنامج الذي تم إيقاف العمل به في العراق منذ العام 1990. التعليق : يابة والله عوفوهة علينة واحنة نحلهة ميصير يومية مكتشفينة اسكافي باوربا لو ابو جمبر بامريكا لو صاحب مطعم باستراليا جان مساهم باختلاس اموال العراق ويفلت من العقاب جنة ممسوي أي شي !!!
امام جامع حربي !! الخبر : قال مصدر أمني في شرطة بابل أن (قوة عراقية – أميركية) شنت عملية عسكرية في المحافظة حيث عثرت على ثلاثمائة قذيفة داخل أحد الجوامع في الحلة. و 128 قطعة سلاح كانت في حوزة المسلحين سابقا . التعليق : هذا اكيد امام الجامع كلشي ما حافظ من القرأن بس ( واعدوا لهم ما استطعتم من قوة ) لان جامع 300 قذيفة تقريبا على عدد المسلمين بمعركة بدر ايام الرسول والله امام جامع حربي مظبوط هذا !!!
ديج هراتي رفيع المستوى !! الخبر : تسلمت حديقة الحيوانات في متنزه الزوراء ببغداد الجمعة نمرين تم إهداؤهما لها من قبل محمية في الولايات المتحدة الأميركية. عن طريق القوات الامريكية و رحبت أمانة بغداد المشرفة على متنزه الزوراء بهذه المبادرة . التعليق : شكرا جزيلا والهدية لاتهدى ولاتباع والمفروض من متنزه الزوراء يرد الهدية باحسن منها يعني المفروض ندزلهم ديوجة اثنين من النوع الهراتي بمكان النمرين ويكونن هراتي رفيع المستوى ونطلق قانون الهراتي مقابل النمر !!!
كما كنت !! الخبر : اصدرت وزارة الداخلية قرارا يقضي بخفض رتب 104 من ضباط الشرطة في واسط إلى رتبة مفوض والتخلي عن رتبهم الحالية. علما ان هؤلاء كانوا مفوضين بالأصل ورفعوا إلى رتبة ضابط بعد أحداث 2003 . التعليق : بوية شنو لعب جهال يلله تعال انته ضابط يلله روح انته مفوض يعني من جان ماكو منتسبين خليتوهم بوجه المدفع ومن صار عدكم عدد رجعتوهم ... اضبط امر عسكري بالعالم طبقتوا ( كما كنت ) !!!
السبت 9 اب 2008 سعد خليفة رئيس مجلس النواب !! الخبر : كشف عضو مجلس النواب النائب عن جبهة التوافق احمد العلواني عن بدء عدد من النواب بحملة لجمع التواقيع "لإقالة النائب الأول لرئيس المجلس الشيخ خالد العطية".بعد تصرفاته الأخيرة كأهانة نواب البرلمان بكلمات جارحة خلال الجلسات الأخيرة. التعليق : والله دوختونة السادة النواب ، المشهداني تكولون مو مرن ويصيح علينة وهسة العطية تكولون يتلفظ بالفاظ جارحة لعد يخلومن عليكم حتى ترضون سعد خليفة ، ولو ابو المثل يكول احترم تحترم!!! قرار يكسر الضهر !! الخبر : قال المتحدث عمليات بغداد أن رئيس الوزراء نوري المالكي أوعز بتفعيل الأمر الديواني رقم 83 المتمثل بمنح شهر للساكنين في الدور العائدة للعوائل المهجرة لاخلائها، ومن يخالف تتخذ بشانه الاجراءات اللازمة . التعليق : هذا صدك قرار ممتاز ، مو كل واحد كاعدلة ابيت مسلم ويسمي غنائم عبالك داخل حرب ضد الكفار لا وانوب ياجره بكيفة ويتكرم بي عالفقراء عبالك بيت الخلفوه ،يلله كل واحد يرجع للخرابة الجان بيهة وخل يرجع الحق لاصحابة !!! صيدلاني سبع صنايع !! الخبر : |