|
|
الجزيرة العربية العراقية الديار والفرات وحتى الفيحاء
خبر مو أي خبر بثوا بكل وكلات الانباء
عاجل للشعب العراقي يمكن اليوم تظل ساعة الكهرباء
صدك والله ما اصدك يارحمتج ياسماء
يعني قيلولة اكو اليوم الضهر وما اموت من القهر اعلى الابناء
وصدك ساعة اليوم ماتنطفي وما ادين للمولد باي ولاء
المولد اشو متكبر علينة لان كل احنة بوقودة فقراء
وخاضع هو ومبتسم ودك يشتغل للاصناف اللي تسمى الاثرياء
وصدك اجهزة الحماية تبتسم تضوي بيهة اليوم اضن كل الاضواء
ارتفاع او انخفاض لامايهم المهم تشتغل لو حتى بعناء
والله ملينة بصراحة هالوضع شوفلنة حل يارئيس الوزراء
الكيبل جنة اميال عنة نبتعد وهسة منشورة عليه هدوم النساء
وياوزير اللي يجينة يختلس والنتيجة الشعب عايش بابتلاء
حهنم تنادي اعطوني المزيد ونفس شغلتهة وزير الكهرباء
تذكر ايهم من اجة بينة شعمل وشسوة تذكر هذا ابن الاشقياء
خمط مليارات من عدنة وشرد وبالدول يصرخ انه من الابرياء
وحاليا هذا كريم ابن وحيد سائر بنفس النهج وين القضاء
قبض مليارين ومتكفي يكول يريد خمسة احكموا انتوا الخبراء
تنطي مليار يريد عشرة بعد وهية هية الطاقة نفس الانطفاء
كاعد يصرح اسمعوا ياشعب بعد عشر اسنين يتحسن الاداء
القرن العشرين مضى سيد وحيد والعالم يتقدم ميرجع للوراء
واللالة انتيكة بمتاحف هالدول واحنة عدنة تشتعل وبكل مساء
والمهفة جزء هسة من التراث واحنة نهديهة بفخر للاقرباء
صرنة نكتة وتضحك علينة الدول لان كلما تشتعل هالكهرباء
يصيح كل الشعب وباعلى صوت ربي صلي على خاتم الانبياء |