|
|
شعر شعبي شقي حي العدل!
لك ياشقي حي العدل انته نذل واكبر نذل
كنيتك سودة مصخمه ارهاب وتفخيخ وقتل
هجرت ناس الساكنه بالديرة قبلك بالاصل
وكتلت ابرياء وكلت ما الهم اهنا أي محل
كم صحفي جالك للمقر ياخذ باقوالك يسل
من عندك لامحد طلع ما اضنهم احياء لا امل
مو مقر صارلهم قبر والذنب شوية جدل
وشرد احجي عالتفخيخ انه التي ان تي عندك كالعسل
سيارات موت مفخخة ابيتك بنص الاهل
وفتاوي مسمومة الك كتلوهم وكطعوا النسل
وكل الحماية بدايرك اعترفوا بيدك تشتغل
معجب انتة بقول النبي رحمة لمن اتقن عمل
وحقدك الاعمى انكشف بتركيا صرخت بعجل
لحكونه ذبحونه الربع بس مو صدك حجيك دجل
متصيرلك جارة ابد ومن مكسراتك ماتمل
ينطبق عليك المثل ذيل الجلب ماينعدل
ولدك وبناتك اطلعوا منك نسخ طبق الاصل
الاول ارهابي بشرف نايم الوردة بالمعتقل
والثاني اشرفهم طلع افلام اباحية عمل
واسماء بنتك التي طلعت عليك كول وفعل
اعترف حارسها السبع هية اللي رسمت هالعمل
تفجير بيت النائبة شذى الموسوي قبل
متكلي هالخلفه شنو لو شافها ابليس انجطل
بس مذكورة الله يلعنه أي شي ميشبه الاهل
حصانة عندك للاسف حصيني وبحصنه ختل
الحصانة لك مو للابد ترفع فد يوم بغفل
ومسرحيتك تنتهي واشوف الستارة تنسدل |