|
|
شعر شعبي قناة الحقيرة
يا خبيثة ويا حقيرة ياليسموج الجزيرة
اخبارج النصهة جذب للفتن صارت مثيرة
البلد الـ بي مكتبج يندهر والله دهيرة
اخطائج بس ويه العراق لان مقصوده هالديره
تصورين اعدام بشوارع وتنسبين للعراقيين هالشغلة الخطيرة
وتشطرتي وكلتي حصرا كربلاء وفشلتي هالفشله الجبيره
وطلعت الشغله جذب مو بالعراق لعد انتي شكد فطيره
واعتذرتي وكلتي بس مرتين اني بثيت الخبر لامو كثيره
العذر اقبح من فعل والاعتذار مايسكت ابواقج التشهر شهيره
همج يكون العراق بلا حراك وراقد يضل بسريره
وكاميراتج باقية مركز عليه بلكي يوم يغلط وزيره
حتى تسوين الغلط الـ بالكلام رواية مو قصة قصيرة
وحتى باخبار الصدك ماتنعتين العراقي بالشهيد امثال غيره
وراح اقارن بين نقل الخبرين وانتي حكمي هم اكو غيره
استشهدت طفلة بفلسطين برصاص الاحتلال الحار والتلهب سعيره
انقتلت طفلة تره بارض العراق والحكومة ساكته ومتجيب سيره
يعني طفلتنة البريئة مو شهيدة وطفلة فلسطين شهيدة واميرة
ومن تنقلين الصور عن العراق توصفين بغداد الشموخ بالمريرة
وماتنقلين الامان البيهة صار بجهود الجيش والشرطة الخبيرة
ذولة الابطال اهل دجلة وفرات واللي كل عيونة بيهم قريرة
راح يسوون بيج سواية الارهاب وتبقين مثل ارهابكم الباقي بحيرة |